Twee sterf toe trein ontspoor

Foto: Netcare 911

Foto: Netcare 911

Twee mense is dood nadat ʼn trein Sondagoggend in Hillcrest in KwaZulu-Natal ontspoor het.

Chris Botha, woordvoerder van Netcare 911, het gesê die trein het by die Delville Wood-treinstasie ontspoor, vermoedelik nadat swaar reën ʼn grondstorting in die gebied veroorsaak het.

“Lede van Netcare 911 se reddingseenheid en brandweerbeamptes moes by ʼn grondpad langs ʼn berg af om by die wrak van die trein uit te kom. Bome wat oor die pad omgeval het, moes eers verwyder word,” het Botha gesê. Die reddingsbeamptes het gevind ʼn man en ʼn vrou het in die ongeluk gesterf en was steeds in die wrak van die trein vasgekeer.

Foto: Netcare 911

Foto: Netcare 911

“Meganiese toerusting is gebruik om die liggame uit die wrak te verwyder. Die toneel is aan die polisie oorgegee, wat die ongeluk sal ondersoek,” het Botha gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Lance

Gekoppel met geen maintenance…. wat n wenresep !

Peter

Nee Lance, dit het niks met “geen maintenance” te doen nie. Die berig sê mos dat swaar reën ‘n grondstorting veroorsaak het. Sou jy reken dat goeie instandhouding sou keer dat daar bome oor die pad beland het?

Peter

Nee Lance, dit het absoluut niks met “geen maintenance” te doen nie. Die berig is mos duidelik dat swaar reën ‘n grondstorting veroorsaak het. Sou jy dus reken dat goeie onderhoud sou verhoed dat daar bome oor die pad geval het?

KarooKlong

Cherokee, was jy by jou huis die heel oggend?

KarooKlong

Simpatie met die naasbestaandes van die oorledenes.