Argieffoto (Foto: kobitriki/Pixabay)
Twee sakemanne van Mokopane (Potgietersrus) in Limpopo, onderskeidelik 32 en 39 jaar oud, is Vrydag in hegtenis geneem in verband met ʼn onwettige gassilinder-aanleg.
Die verdagtes is in hegtenis geneem deur die Valke se eenheid wat ernstige georganiseerde misdaad ondersoek, Mokopane-bomopruiming, die plaaslike kriminelerekordsentrum, departement van binnelandse sake, die departement van minerale hulpbronne en energie, die departement van omgewingsake, die Mogalakwena-brandweer en Royal Square (brandbestrydingsverteenwoordigers).
“Inligting is in die begin van die jaar ontvang oor ʼn aanleg in Mokopane wat ongemagtigde gassilinders hervul en verkoop,” sê kapt. Matimba Maluleke, woordvoerder van die direktoraat vir prioriteitsmisdaadondersoeke (die Valke). “Die aanleg was sedertdien op die polisie se radar.”
Die span het tydens die klopjag beslag gelê op ʼn groot getal gassilinders met verskillende handelsmerke met ʼn geraamde waarde van R350 000.
Die verdagtes sal Maandag in die Mokopane-landdroshof verskyn. “Hulle staan tereg op aanklag van bedrog, diefstal en oortreding van regulasies wat met druktoerusting verband hou.
Die twee verdagtes gee die titel as Sakemanne n swak naam!