Twee vas vir moord op oud-akademikus

Argieffoto: Johni Edwards

Argieffoto: Johni Edwards

Twee verdagtes is in hegtenis geneem in verband met die moord op Steyn Steenekamp (75) wie se liggaam Sondag op sy plaas naby Mooinooi in Noordwes aangetref is.

Maj. Pelonomi Makau, woordvoerder van die polisie, het aan Maroela Media gesê die twee mans is in Fochville vasgetrek. Steenekamp se vermiste voertuig is in hul besit gevind. “Dit is nog nie duidelik wanneer die verdagtes in die hof sal verskyn nie, maar na verwagting sal dit eers Vrydag wees,” het Makau gesê.

Sy het gesê dat die verdagtes na bewering werkers op die plaas was, maar het bygevoeg die polisie het nog nie bevestig of dit wel die geval is nie.

Maroela Media het vroeër berig Steenekamp se liggaam is gevind deur mense wat melk by hom gaan aflewer het. Hy is vermoedelik verwurg en met ʼn ysterstaaf oor die kop geslaan. Sy hande en voete was ook vasgebind.

Volgens die polisie is dit nog nie duidelik wanneer Steenekamp vermoor is nie. Die liggaam het reeds begin ontbind toe dit gevind is.

Ds. Nicolaas Steenekamp, Steyn se seun, het Maandag aan Maroela Media gesê die omstandighede rondom sy pa se dood is nog nie aan die familie bekend nie.

ʼn Roudiens vir Steenekamp sal Vrydag om 10:00 in die Nederduitsch Hervormde Kerk in Middelburg gehou word. Hy sal in Pretoria begrawe word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Berhalet Beukes

Plaaswerkers… Die euwel van plaaswerkers! Soveel blanke mense sit sonder werk, verblyf, kos… gee hulle dan eerder ‘n geleentheid!

chantal

Liewe Berhalet Beukes – dit WAS juis blankes aan wie hy werk en huisvesting verskaf het…..

An-re

Chantal as ek mag vra hoe weet jy dit was blankes???

valdy

Ek wil ook weet hoe chantal dit is wit plaas werkers.

maar van die os op die jas.
Hoe kry mens dit reg om n oumens wat geen weer stand het, te vermoor.

Nicolaas Steenekamp

‘n Roudiens vir Steenekamp sal NIE Vrydag in Middelburg gehou word NIE.
Ek weet, want ek het die begrafnis gereël. Alles gebeur in Pretoria.
Groete, Nicolaas Steenekamp. VDM