Tweejarige in ouerhuis doodgeskiet

Argieffoto: SAPD/Facebook

Argieffoto: SAPD/Facebook

ʼn Tweejarige dogtertjie is Dinsdagaand in haar ouerhuis doodgeskiet nadat ʼn onbekende aantal verdagtes op haar en haar ouers losgebrand het.

Sers. Yanga Ngcukana, woordvoerder van die polisie, het gesê die voorval het in ʼn informele nedersetting naby Wepener in die Vrystaat plaasgevind.

“ʼn Onbekende aantal verdagtes het van buite op die gesin se plakkershut losgebrand en die dogtertjie, wat op haar ma se rug vasgemaak was, is in die kop geskiet. Die ma is in die bors en arms getref en die pa is in die arm gewond. Agt patroondoppies is op die toneel gevind.”

Volgens Ngcukana is die dogtertjie op die toneel dood verklaar terwyl haar ouers na die Pelonomi-hospitaal in Bloemfontein geneem is vir behandeling.

Die motief vir die aanval is nog nie bekend nie en niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Wern

Waarom???

KarooKlong

Absoluut onnodig. Soos alle ander moorde en moorddadige aanvalle.

Cindy

Dit is so hartseer.

Theresa B

Dis walglik. Ek word sommer naar vir hierdie tipe opredes. Wens hierdie spul se oë wil oopgaan maar geweld is mos altyd die beste manier om hul ego’s te streel.

Jeanne

Dis skokkend, maar niks gaan gebeur nie, ‘n kind se lewe in SA Is niks werd nie, of hy geskiet of gemartel word, die regstelsel in SA STEL TELEUR. Kyk ouers wat hulle kinders vermoor, kry ‘n ligte houtjie op die hand, of ouers wat kinders molesteer kom skotvry daarvan af en more het hulle weer ‘n bloedjie wat gemartel word tot die dood toe. Dis ‘n absolute onreg wat ons in SA aan ons kinders doen. Hulle lewens is NIKS werd nie .. want hulle kan nie praat nie, kamstig is dit altyd ‘n ‘ongeluk’ .. my hart bloei… Lees meer »