‘US nie rassisties nie, maar ons het rassiste’

Verteenwoordigers van Universiteit Stellenbosch in die parlement voor die portefeuljekomitee oor hoër onderwys en opleiding Foto: ANA

Verteenwoordigers van Universiteit Stellenbosch in die parlement voor die portefeuljekomitee oor hoër onderwys en opleiding Foto: ANA

Die uittredende voorsitter van die Verteenwoordigende Studenteraad (VSR) aan die Universiteit Stellenbosch het Dinsdag gesê die universiteit kan nie in sy geheel rassisties genoem word nie.

“Stellenbosch is nie rassisties nie, maar ons het rassiste,” het Stefan Lang in sy toespraak aan die parlementêre portefeuljekomitee oor hoër onderwys en opleiding, gesê.

Die universiteit en verskeie aandeelhouers, insluitend die VSR, moes voor die komitee verskyn om bewerings van rassisme by die universiteit te bespreek. Die bewerings het aan die lig gekom in ʼn dokumentêr genaamd Luister wat op YouTube gelaai is deur die studentebeweging, Open Stellenbosch.

Lang het gesê die VSR fokus daarop om diversiteit te vier. “Ons visie is om ʼn verwelkomingsetos te handhaaf en enigiets wat teenstrydig is daarmee, moet uitgeroei word,” het hy gesê. Hy het gesê alhoewel rassisme “onomwomde” teenwoordig is by die universiteit, “kruip dit in die hoeke weg”. Hy het gesê die universiteitsgemeenskap moet hard werk daaraan om diskriminasie aan te spreek.

Die nuwe VSR-voorsitter, Axolila Qina, het by Lang se versoek tot optrede aangesluit en gesê dit sal die kern vorm van die nuwe VSR se termyn. Hy het gesê dit is hoog tyd dat die universiteit sy gemeenskaplikheid, sy menslikheid, vier.

Lees alle vorige berigte oor Universiteit Stellenbosch op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Jaco

Ai die ou woordjies Rasisme en Apartheid. Ek wonder hoeveel rasiste is in die ANC? Of kan n swart persoon nie n rasis wees nie…

Kaspaas

Daar is baie swart rassiste daar – beslis in die meerderheid.

Winston

Kyk maar na die beeld materiaal op SAUK nuus ook. Hulle (EFF) houding sê alles. Ons het ook regte. DIS ONS REG OM ONS STANDAARDE TE LEEF. LAAT HY SY STANDAARD IN SY LEERPLEK LEEF. Wanneer gaan ons ophou terugval?

waarheid

Meeste van die rasiste daar is swart

JAN BRITZ

As alles wat die Afrikaner opgebou en ontwikkel het dan so sleg is, wat soek hulle daar? . Watter universiteit het hulle tot stand gebring? Gaan studeer daar. Voel vry! Onthou n mens word nie onthou vir wat jy verwoes het nie. Jy word onthou vir wat jy tot stand gebring het.