Verbyganger kom op motorfietsryer se liggaam af

Foto: ER24

ʼn Verbyganger het Sondagoggend op ʼn motorfietsryer se liggaam afgekom wat by die aansluiting tussen die R55 en Ruimteweg in Centurion gelê het.

Russel Meiring het gesê die verbyganger het omstreeks 10:00 die liggaam gesien en hulp ontbied. Die oorledene was vermoedelik in sy 30’s.

“Met paramedici se aankoms op die toneel het hulle die liggaam gevind waar dit ʼn ent weg van sy motorfiets af gelê het. Paramedici het hom ondersoek en gevind dat hy al ʼn ruk lank dood was.”

Meiring het gesê die omstandighede rakende die man se dood is tans baie vaag en die polisie sal die saak verder ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Johan

Ai.Ek glo en vertrou dat jou saak was reg met jou Skepper God alvorens jy omgekom het met die dood.My inige simpatie met die agterblywendes van hierdie jong man. Bid vir julle elkeen. Wees paraat en hou vas aan Abba. Shalom

Pop

Jare en jare se trane wag vir sy naasbestaandes. My kind het ook so in die veld gelê. Daai gevoel van n vuishou wat jou op die bors slaan gaan nie sommer weg nie. Soms kry jy nie asem nie. Die pyn is so intens. Rou eindig ook nooit nie. Dit verander net. Hartseer is nie n teken van swakheid of n gebrek aan geloof nie, dis net die prys van liefde.???my gebede is met elkeen wat n geliefde verloor. Mens staan hulle nie af nie, jy verloor hulle.

Susara

My hart gaan uit na sy familie en vriende, sterkte.

Chris Ws

Innige simpatie met sy naasbestaandes.’n Motorfiets bied eenvoudig geen beskerming nie.Al was die’ persoon heeltemal onskuldig(wat ‘n sterk moontlikheid is) kon dit hom nie help nie.Ek het self motorfiets gery in my jong dae maar toe ek vrou vat ,het ek hom dadelik verkoop en nooit weer teruggekyk nie.Dit was lekker dae ja, maar die verkeer was BAIE minder as deesdae wat die gevaar erg vermeerder vir motorfiets ryers.

humor

Spoed——spoed—- spoed Die grootste oorsaak van motorfietsongelukke. Daagliks vleg hul deur die verkeer teen 140 160 en selfs teen 200 km/ uur.