(Argieffoto: ER24)
ʼn Man is Saterdagoggend in Randparkrif in Randburg doodgeskiet toe hy glo ʼn fietsryer geteiken het.
Paramedici het teen 06:50 op die toneel in Beyers Naudé-rylaan aangekom. Met hul aankoms is ʼn man langs die pad aangetref. Lede van ʼn veiligheidsmaatskappy was ook reeds op die toneel.
Russel Meiring, woordvoerder van ER24, het gesê paramedici het die man, in sy 20’s, ondersoek en gevind dat hy in die bors geskiet is. Hy is op die toneel dood verklaar.
“Die oorledene het glo gepoog om ʼn fietsryer te beroof toe ʼn veiligheidswag tussenbeide getree het.”
Maroela Media het die polisie om kommentaar genader en wag vir terugvoer.
Ek hoop die verdagte het ‘n wapen gehad!
Die ou wat geskied het gaan seker nou weer gearresteer word
Ek hoop nie die man is nou in die pekel nie
Wel gedaan aan die veiligheidswag wat ingetree het voordat nog ‘n onskuldige burger deel word van die Misdaad statistieke van RSA