‘n Argieffoto ter illustrasie van ‘n selfoontoring. (Foto: Pixabay)
ʼn Man wat voorheen van diefstal en beskadiging van noodsaaklike infrastruktuur aangekla is, is wéér vasgetrek.
Lt.kol. Siyabulela Vukubi, woordvoerder van die Valke, sê die 43-jarige man is Donderdag in die Bellville-distrik in die Wes-Kaap in hegtenis geneem.
In Maart 2020 is batterye van R50 400 vanuit die MTN-selfoontorings in onderskeidelik Kuilsrivier en Macassar in twee verdagtes se besit gekry. Nog skade van R3 500 is aan ʼn slimslot aangerig.
Die verdagtes het destyds in die Somerset-Wes-landdroshof verskyn waar hulle op borgtog van R3 000 vrygelaat is.
Ná verdere ondersoek is een van die beskuldigdes verbind met ʼn soortgelyke voorval, dié keer in Philippi. In oorleg met die direkteur van openbare vervolging is ʼn lasbrief vir sy inhegtenisneming goedgekeur en die man is Donderdag weer in hegtenis geneem.
Hy verskyn na verwagting Vrydag in die Athlone-landdroshof in Kaapstad.
More is die man maar weer op straat! Dit help nie die polisie doen hulle werk en die regstelsel het nie tande nie! R3,000 boete? – maat hy verkoop die baterye vir BAIE meer, en baie gereeld! $$$!
Dis peuter aan netwerke. Dan eintlik mos terrorisme.
Nou maar hoekom is hy nog buite. Hy hoort mos lankal agter tralies.
Nou waarom was hy in die eerste plek vrygelaat?!? Maak mens boos!
Dom, dom, dom!!!
Hy moes lankal toe gesluit gewees het diefstal dit mos terrorisme klaar