Argieffoto (Foto: SAPD/Facebook)
Twee gewapende rowers is Vrydag tydens ʼn hoëspoedjaagtog in Newlands East in Durban, KwaZulu-Natal, doodgeskiet.
Brig. Jay Naicker, woordvoerder van die polisie, sê ʼn koeriervoertuig is vroeër die dag op die M7 naby Edwin Swalesrylaan beroof deur ʼn groep gewapende mans. Hulle het ʼn groot hoeveelheid waardevolle items gebuit.
“ʼn Beskrywing van die voertuig wat tydens die gewapende rooftog gebruik is, is uitgestuur en is later in die Newlands East-gebied opgemerk. Polisiebeamptes van verskeie eenhede en polisiestasies het reageer en saam met veiligheidswagte die verdagtes agternagesit.”
Die verdagtes het op polisiebeamptes gevuur en die skietery het tydens ʼn hoëspoedjaagtog voortgeduur. “Die verdagtes het beheer verloor oor hul voertuig en in ʼn versperring vasgery. Hulle het op polisiebeamptes bly vuur terwyl hulle weggehardloop het.”
Twee mans is noodlottig gewond tydens die skietery terwyl die res van die verdagtes in die nabygeleë bosse verdwyn het.
“ʼn Ondersoek na die skietery is van stapel gestuur en speurders vermoed die mans word met verskeie rooftogte in Durban verbind.”
Die land SA verkeer in ‘n chaotiese toestand van dat die ANC oorgeneem het, het nie die kennis om ‘n land te regeer nie.