(Foto: SA Police Service/Twitter)
ʼn 39-jarige verdagte is op Piet Retief in Mpumalanga in hegtenis geneem vir sy vermeende betrokkenheid by die wrede aanval en moord op ʼn polisiebeampte van die gebied.
Volgens kol. Katlego Mogale, woordvoerder van die Valke, het onbekende aanvallers ao. Langelihle Hlatshwayo geskiet toe hy sy huis binnegaan het.
Hlatshwayo is eers inderhaas na die provinsiale hospitaal op die dorp geneem en daarna in ʼn bedenklike toestand na die Trichardt Mediclinic oorgeplaas waar hy dood is.
ʼn Tweede vermeende betrokkene by die moord is Vrydag op Evander in hegtenis geneem. Die persoon moet nog in die hof verskyn.
“Dit is te danke aan die samewerking van die Valke se eenheid vir ernstige georganiseerde misdaad en die Secunda-honde-eenheid dat die misdadigers vasgetrek kon word. Nog inhegtenisnemings kan nie uitgesluit word nie.”
Die verdagtes sal na verwagting Maandag in die Piet Retief-landdroshof verskyn.
Goed dat hulle so gou die verdagters aankeer! Hoekom nie by plaasmoorse ook nie?