Video: ‘Aanranding’ ná vrou glo te bang is om stil te hou

‘n Skermgreep uit die video.

Die Tshwane-metropolisie stel ondersoek in nadat ʼn vrou wat oënskynlik te bang was om laatnag langs die pad stil te hou, Dinsdagaand by ʼn vulstasie in Centurion glo deur metropolisielede aangerand is.

In beeldmateriaal van die voorval kan gesien word hoe die vrou om 23:25 by die vulstasie in Lyttelton stilhou, uitklim en dan hardhandig deur ʼn vrouebeampte tot by die metropolisie se bussie geboender word.

In die beeldmateriaal lyk dit of die jong vrou haar teësit wanneer daar probeer word om haar in die bussie te laat klim. Sy word rondgepluk en dit lyk of sy in ʼn stadium op die grond lê, waar haar hande agter haar rug geboei word.

Sy moet dan in die gemerkte bussie klim en die video eindig wanneer die voertuig begin wegry.

Isaac Mahamba, woordvoerder van die Tshwane-metropolisie, het gesê die departement is bewus van die video en bevestig dat diegene betrokke wél metropolisielede is.

“In dié stadium word ʼn interne ondersoek gedoen. Ons het verklarings by die betrokke lede afgeneem en die saak is in ʼn gevorderde stadium,” het Mahamba gesê.

Hy het gesê die hoof van die metropolisie sal die dossier nou eers bestudeer, waarna verdere kommentaar sal volg.

ʼn Video van die voorval is wyd op sosiale media versprei en het reeds duisende kommentare ontlok.

Hoewel talle mense vir die metropolisie in die bresse getree en gesê het dat hulle bloot hul werk doen, het ander die vrou se optrede verdedig en haar aangemoedig om regstappe teen die betrokkenes te doen.

Baie mense het ook gesê hulle is self te bang om stil te hou wanneer hulle op veral ʼn afgeleë plek deur die polisie, of mense wat lyk soos die polisie, beveel word om stil te hou.

https://www.facebook.com/IntelligenceBureauSA/videos/777773199386682/

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

134 Kommentare

jongste oudste gewildste
EK

Liewe hemel vat 4 van hulle om haar so rond te ruk. Ek sal ook nie stop in die nag sal ook jaag. Nerens is jy meer veilig. Sy het by garage gestop en uit geklim tot daardie 1 wat dink sy is macho man haar sommer gryp. Dis disgusting en dink hulle kan doen net wat hulle wil. Hulle se gewoonlik as jy onveilig voel ry tot by naaste polisie stasie of garage en dis wat sy gedoen het. Nou word sy sommer net gegryp. Wonder of al haar goed nog in haar kar is???

Vonkprop

Dit vat vier van hulle om een mens te arresteer. Mag die mans haar so gehanteer het, is dit nie dat slegs vroue beamptes met vroue mag werk nie? Daar is net geen respek vir die publiek nie. ‘n Mens sal sweer sy was gewapen tot die been soos hulle aangaan. Net die manier hoe hulle die kar bestorm het sê al klaar hulle wou moeilikheid maak. Uiters swak en ongeag of die vroue skuldig is of nie, jy gaan nie so aan nie.

My opinie

Maroela – volg asb hierdie storie op en hou ons op hoogte. Ek sou ook nie gestop het nie. Sy het die regte ding gedoen om na ‘n plek van “veiligheid” te ry. Hoekom wou hulle haar stop? Die bussie waarmee hulle gery het is nie eens ‘n patroliemotor nie.

André-Chris

Mens weet nie meer deesdae wat om te doen nie, rowers in polisie uniform is ‘n realiteit, mens probeer gedurig bedag wees daarop, dis hoe dit deesdae gaan, dan is rowers/kapers in gewone drag ‘n realiteit en ek dink aan die gebeure een vroegoggend waaroor Maroela hier onder berig het. Ek het erns gelees dat die kapers gevang is, maar wat gebeur verder met hulle?
https://maroelamedia.co.za/nuus/sa-nuus/kapers-vermoor-vrou-vroegoggend-by-oorgang/

Lollie

Patrys en Karl, julle twee som dit goed op. Ek kan dit nie beter sê nie.
Ek is woedend want mens is nêrens veilig nie. Aangesien die regering so teen geweld teen vroue is behoort hierdie beamptes aan die pen te ry!