[Video] Chaos ná verdagte in polisiemotor sterf

Foto: CICA/Facebook

Foto: CICA/Facebook

Chaos het voor die Arwyp-hospitaal in Kempton Park uitgebreek toe ʼn verdagte in polisie-aanhouding dood is.

Robbie Raburabu, woordvoerder van die onafhanklike polisie-ondersoekdirektoraat (Opod), het aan Maroela Media gesê polisiebeamptes het glo ʼn man in hegtenis geneem vir die besit van dwelms. “Die verdagte het glo dwelms wat in sy besit was afgesluk waarna hy begin stuipe kry het. Die polisiebeamptes het met hom na ʼn hospitaal gejaag. Hy is op pad na die hospitaal dood.”

Volgens Raburabu was die verdagte ʼn Nigeriër en het ʼn groot groep mense, vermoedelik Nigeriërs, voor die hospitaal byeengekom soos die nuus van die verdagte se dood versprei het. “Van die Nigeriërs beweer hulle het gesien hoe polisiebeamptes die verdagte gewurg het. Dit sal deel vorm van ons ondersoek,” het hy gesê.

Kempton Express berig daar is ʼn groot polisieteenwoordigheid voor die hospitaal. Die verdagte se lyk was glo teen Saterdagmiddag nog in die motor.

Die skare wat voor die hospitaal byeengekom het, het polisiebeamptes glo met klippe en bottels bestook.

Die video is deur Intelligence Bureau SA op Facebook gedeel:

[wpvideo DPuYzhve]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
JP

as hulle dan so sleg hier behandel word, hoekom gaan hulle nie terug na hulle land toe nie, ek sou hom ook gewurg het , want dit is om te vehoed dat die dwelms gesluk word dankie vir die polisie vir wie hulle werk nog hul eer is

Henk

Wonder ook hoekom almal wat so kla oor die polisie nie na hulle eie lande terug gaan nie

Anny Penny

Moet die dekselse inkommers nou ook al ons polisie se tyd opeis….en dan nog beskuldig word van verwurging as hulle net hul taak verrig om die kriminele te probeer red!! Verregaande dat die betogers in ons land ook nog wil kom regeer en sê wat die polisie moet doen of nie. Ek is sommer woedend

Ouman

Deporteer die gemors Hulle het geen nut of doel in die land behalwe om misdaad te pleeg. Parasiete wat teer op die arme Suid Afrikaanse belastingbetaler en kan nie verstaan hoekom ons dit moet verduur nie

Gert

Dis n goeie plan laat al wat drug dealer is sy produk sluk . lol