Jessie probeer verbete om haar maat, Chucky, uit die water te help. (Skermgreep)
ʼn Mens kan bykans nie anders as om asem op te hou nie. Die klein dwergkeeshond (Pomeranian) tuimel in die swembad en spartel verbete – maar onsuksesvol – om uit te kom. Maar net tot die 13-jarige Chucky se beste maat, ʼn sewejarige Staffie genaamd Jessie, besluit tot hier toe en nie verder nie: Vandag is hier ʼn reddingspoging van epiese afmetings.
Byron Thanarayen, van Atlasville in Boksburg, sê hy en sy vrou, Melissa, het Vrydag ʼn afspraak nagekom en die twee honde het tuis gebly. Hulle het ʼn venster waardeur hulle kan klouter om in en uit te gaan wanneer die egpaar nie tuis is nie.
Byron sê met hulle terugkeer het hulle gesien Chucky se kop is nat, maar die res van sy lyf is droog. Hulle het oral in die huis gesoek – en selfs die toilette van nader bekyk – om te probeer vasstel waar die water dalk vandaan kon kom.
Melissa het daarna besluit om na die huis se kringtelevisiebeeldmateriaal te kyk om te probeer uitvind wat gebeur het.
“Terwyl ons daarna gekyk het, selfs terwyl ons geweet het hy is veilig, was dit vreeslik moeilik om te sien,” het Byron Sondag gesê.
Jessie se lof word wyd besing. (Skermgreep)
Die egpaar het die video van Jessie se ongelooflike reddingspoging op sosiale media gedeel en dit is sedert Vrydag duisende kere gedeel. Meer as 160 000 mense het reeds daarna gekyk.
Byron sê die gesin woon al sowat vyf jaar in hulle huis en die honde kom gewoonlik nie naby die water as die egpaar nie tuis is nie. Hulle gaan egter vandeesweek nog ʼn swembadseil laat installeer om enige toekomstige ongelukke te verhoed.
Byron sê enkele mense het geniepsige opmerkings gemaak omdat daar nie ʼn bedekking oor die swembad was nie, maar die meeste mense het in hul vreugde gedeel dat Chucky gered is. Daar was natuurlik ook groot lof vir Jessie wat net nie moed opgegee het tot haar maat weer veilig was nie.
Byron het Jessie as ʼn tweejarige hond by die Dierebeskermingvereniging aangeneem. Hy sê hy was teen daardie tyd die derde persoon wat haar aangeneem het. “Ek was dadelik verlief en sy is die beste hond wat ek nog ooit gehad het. Sy is absoluut verstommend.”
Chucky is intussen weer sy ou self.
Hond is nie net mens se beste vriend maar ook Hond s’n. Ongelooflik.
Gelukkige einde, maar hierdie geval is tipies. Daar moet eers iets gebeur voordat mense tot insig kom. Dit geld ook vir veiligheids- gordels en stoeltjies, asook alarm stelsels.
Ek het ook ‘n swembad en daar is nie ‘n seil of net op nie. Maar dis toe agter 8vt mure en 6vt hekke. Wanneer mense by my kom kuier en hulle het kinders is dit hulle verantwoordelikheid om na hulle kinders te kyk punt. My kind self was bitter klein toe ons die swembad laat insit het en hy was nooit alleen by die swembad nie. Jy hoef nie altyd alles toe te maak en toe te gooi nie. Somtyds kan mens ook jou common sense gebruik. Sluit jy jou kombuismesse toe?
Give that dog a Bell,s
sterkte vir kleintjie, ‘n mens kan sien dat die hondjie was al pootuit, gelukkige einde
Baie dankie vir die deel…so mooi om iets goeds te sien gebeur ….ons kan iets leer van die prag dier…..OMGEE
Mens moet jou kinders en honde gewoond maak aan n swembad sodat hulle kan weet waar om uit te klim of wat om te doen as hulle in n swembad val. Gelukkig was boetie hond daar om te help.
Nou toe nou, interessant hoe die persoon wat die video gemaak het, reeds gereed gestaan het met die kamera nog voordat die hondjie in die swembad geval het, en hoekom het hierdie persoon 34 minute gewag en nie self die hondjie uit die water gehaal nie, nee, nee…
Kring televisie neem op sonder dat iemand teenwoordig hoef te wees.
Sylvia,
miskien moet jy weer die berig heeltemal lees dan sal jy sien hulle praat van kring televisie.
Baie dankie vir die “reghelp” Pompies en Kattebol, dit is die mees ongelooflikste kring televisie weergawe wat ek nog gesien het, en dit zoom in en uit, mensig absoluut ongelooflik …
Sylvia, die oorspronklike video is geredigeer. Met “video editing” kan jy enige iets onder die son doen. Zoom is eintlik ‘n basiese editing funksie. Die redigeerder kon self kinders in die swembad gesit het wat lekker baljaar. Met video editing is niks “ongelooflik”. Gaan kyk na voorbeelde op Youtube van Blackmagic, Final Cut, Pinacle Studio en Power Director video editing programme.
Jeese, ek was maar lekker op my senuwees op tye hoor !
Hoop Maroela doen opvolg om te bepaal of veiligheidsnet ge”installeer is.
Volgende keer is brakkie nie so gelukkig.
Goed gedoen Jessie. Oubaas se honne!!
Dankie vir almal wat so gretig my tereggewys het dat dit deur “kring televisie” afgeneem is, dit s een van die beste weergawes van “kring teleisie” wat ek nog gesien het, met zoom aksie en al, wonderbaarlik …
Dit Is n “Staffie’ – Nicknamed “The Nanny Dog” die Best…
Dis so mooi, dis hoekom ek so lief is vir diere.
Wow pragtige hond .