[Video] Hoogdrama in Comrades-vrouewedloop

Charne Bosman. Foto: Twitter

Charne Bosman. Foto: Twitter

Charne Bosman het Caroline Wöstmann se droom om geskiedenis te maak in vanjaar se Comrades-marathon aan skerwe laat spat.

Bosman, wat verlede jaar met die tweede plek tevrede moes wees naas Wöstmann, het Sondag met sowat twee kilometer om te gaan Wöstmann verbygesteek. Wöstmann was vir meer as 80 km ver voor, maar het sowat 10 km voor die wenstreep in ʼn motorfiets vasgehardloop waarna ʼn ander motorfiets haar van agter af raakgery het. Wöstmann het hierna heelwat stadiger gehardloop en selfs een keer inmekaargesak.

Bosman het die marathon met ʼn tyd van 06:25:55 voltooi. Wöstmann se tyd was 6:30:44. Kajsa Berg van Swede was derde met ‘n tyd van 06:39:04.

Wöstmann sou geskiedenis maak as sy vanjaar se marathon weer kon wen. Dit sou beteken dat sy vir die tweede agtereenvolgende jaar die Comrades-vrouewedloop sowel as die Twee Oseane-marathon gewen het. Derek Preiss is die enigste ander atleet wat dit nog kon regkry – in 1974 en 1975.

Wöstmann het verlede jaar die eerste Suid-Afrikaner geword om die Comrades-vrouewedloop te wen sedert Rae Bisschoff in 1998 daarin geslaag het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Joann

Ja maar Caroline is deur twee moterfietse gestamp. Sy moet dit nie daar los nie.

Javctn

Asseblief maroela. Ek dink nogal julle verslaggwing is nie swak nie, maar hierdie berig is totaal sensasie soek. Sy was al voor die insident totaal moeg en het voorgekom of sy uit was op haar voete. Sy het wel in die motorfiets vasgehardloop, maar geen motorfiets het haar van agter getref nie. Die insident het ook geen uitwerking op haar uitslag gehad nie want sy was reeds moeg en het probleme gehad. Interessant het ek vir mense gesê kyk nou hoeveel twak die verslaggewers nou gaan skryf.

Christie

Ja sy moet die saak nie daar los nie Wat soek hulle in elk geval so na aan die atlete

Hetta Labuschagne

Se die ecperts way nog nooit comrades gehardloop het nie. Nie n idee wat se implikasie so iets op jou fisies en geestelik het, op daardie afstand nie. Motorfiets was verkeerd moes gesorg het dat hy uit die pad is. As julle al gehardloop het sal julle weet iewers kry jy daai af gevoel en dan kry jy weer n tweede asem. Sal dit ook verder vat!

kykweer

Sys klaarblyklik oppad na die kant van die pad toe om n verversing te kry.. want sys moeg en hulle is vir daardie doel beskikbaar. Die motorfietse moes beter gedink het…