Video: Julius Malema van aanranding aangekla

Lees ook:
Malema het werkers “verdedig teen rassis” sê EFF

'n Skermskoot uit die video

‘n Skermskoot uit die video

ʼn Klag van aanranding word Donderdag teen Julius Malema, parlementslid en leier van die Ekonomiese Vryheidsvegters (EFF), ingedien na ʼn voorval by ʼn kitskosrestaurant in Tzaneen, Limpopo wat op kringtelevisiekamera vasgelê is.

Die burgerregte-organisasie AfriForum gaan die man, wat glo deur Malema rondgestamp en gevloek is, bystaan met die indien van strafregtelike klagtes van aanranding, intimidasie en crimen injuria. Die beweerde voorval het op 8 Junie plaasgevind.

Ernst Roets, adjunk uitvoerende hoof van AfriForum het verduidelik dat AfriForum besluit het om die slagoffer by te staan nadat hy die organisasie om hulp genader het. “Die voorval skets ’n duidelike beeld van Malema as ’n bullebak wat homself as verhewe bo die reg en mede-landsburgers beskou. Ons kan nie toelaat dat ons openbare verteenwoordigers hulle soos kriminele gedra sonder om die gevolge van hulle dade te dra nie,” het Roets gesê.

In die beeldmateriaal kan gesien word hoe ʼn man wat blyk Malema te wees, ʼn ander man ten minste drie keer stamp, sy vinger in die slagoffer se gesig swaai en op hom skree. Hoewel die klank nie op die beeldmateriaal vasgevang is nie, het die slagoffer ’n beëdigde verklaring afgelê, waarin hy die woordewisseling wat plaasgevind het onder eed bevestig het. Malema het glo die slagoffer herhaaldelik gevloek en ’n “Boer” genoem. Hy het by geleentheid ook geskree: “I will f*ck you up!”

Die slagoffer het verduidelik dat die voorval hom magteloos gelaat het en dat hy erg geïntimideerd gevoel het, veral omdat sy vrou ook op die toneel was en hulle glo deur Malema se trawante omsingel was.

Maroela Media sal die polisie en EFF kontak vir kommentaar sodra die klagte aanhangig gemaak is.

[wpvideo 1TvX5LbL]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

61 Kommentare

jongste oudste gewildste
anet

Malema is baie kordaat as hy sy kaders om hom het, maar as hy alleen is, is hy net ‘n blaas vol ertjies. Eendag sal hy hom nog mooi vasloop teen ‘n harde vuis in sy gesig. Hy is ‘n niks, net ‘n groot bek met ‘n blink kar. Sy eie partylede het verkies om ‘n nuwe party te stig. Hulle wil nie met hom geassosieer word nie.

BO BLINK EN ONDER STINK

Theresa

Ai die “untouchables”. Geen respek vir hulle self nie. Nou hoekom sal hulle respek vir ander hê. Nog te min blankes. Dis nou ‘n voorbeeld wat hy stel. Geen wonder dat klein kindertjies nie eers respek vir grootmense het vandag nie. Hulle word so grootgemaak want die grootmense wys vir hulle dis hoe dinge gedoen moet word.

Petrus Swanepoel

Jy sal geken word aan jou optrede teenoor ander……. en slegs mense wat mag kan beheer verdien mag……. Vir albei vakke gee ek jou 0/10………..

Koos

Daardie Koos wat so lelik praat is nie Koos van Zyl nie hoor.

Jaco van den Berg

Ek dink die mense maak dit baie erger as wat dit is! Die man het gaan moeilikheid soek en dit toe gekry, dit is nie asof Juluis hom met die vuis bygekom het nie, maar wie weet watse lelike intimiderende woorde die man gaan se het toe hy na sy sin te lank gewag het! Dink dit word net opgeblaas omdat dit Juluis is! As jy moeilikheid soek op die verkeerde plek gaan jy dit kry!