[Video] Skool reageer ná baksteen-voorval

'n Skermskoot uit die video.

‘n Skermskoot uit die video.

ʼn Klag van aanranding word deur die polisie ondersoek nadat ʼn video aan die lig gekom het van ʼn leerder by ʼn Wes-Kaapse hoërskool wat een van sy medeleerders met ʼn baksteen teen die kop gooi.

Die voorval het Dinsdag omstreeks 11:00 by die Hoërskool Stellenberg plaasgevind en ʼn video daarvan word sedertdien wyd versprei. Op die video kan gesien word hoe twee seuns in ʼn woordewisseling betrokke is en een dreigend met ʼn baksteen in die hand nader kom. Hy gooi die baksteen en dit tref die 14-jarige seun teen die kop.

Dit is nie duidelik hoe ernstig die seun in die voorval beseer is nie.

Maroela Media het Donderdag versoek om telefonies met die skoolhoof te praat om meer inligting oor die voorval te kry, maar het slegs ʼn kort skriftelike reaksie gekry waarin die skool bevestig hy is bewus van die voorval. “Die beheerliggaam en bestuur beskou die voorval in ʼn baie ernstige lig en sal die prosedures soos deur die departement voorgeskryf volg om die kwessie aan te spreek.”

Kapt. FC van Wyk, woordvoerder van die polisie, het bevestig ʼn saak van aanranding met die doel om ernstig te beseer word deur die Durbanville-polisiespeurders ondersoek.

Maroela Media het die kantoor van die Wes-Kaapse LUR van onderwys om kommentaar genader en wag op terugvoer.

Die voorval is die tweede van sy soort die afgelope paar weke by ʼn Wes-Kaapse skool. In Februarie is ʼn 13-jarige leerder van Laerskool Parow-Wes se wangbeen vergruis nadat hy na bewering onder ʼn boelie se vuiste deurgeloop het. Die aanrander is in hierdie geval geskors hangende ʼn ondersoek na die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

108 Kommentare

jongste oudste gewildste
TDW

En dis hoekom ons nie dubbel medium skole wil hê nie!

Pieter

Ek mis iets hier, sou dit die wit seun wees wat die baksteen gegooi het was al die media opskrifte “Rassistiese aanval by skool “, nou dat dit net omgekeer is word niks van rassisme ge-uiter nie!!!

Ja nee

Daar gaan gese word die witseun het iets “rasisties”gese, en hy gaan aangeklae word en ons ander vriend gaan net verder voort gaan, kla aan vir aanranding met die doel om ernstig te beseer, val n wapenlose seun aan, hate crime.

cor

Dit se alles van die opvoeding en voorbeeld wat ouers en gemeenskap stel geen respek vir n medemens, geweld is die antwoord van ‘n baie siek beskawing.

Frik

Nou waarom word die kinders se gesigte verskans?? Die hele wereld het dit gister al gesien. Kan dit verwag as jy gesien het wat het gister in Gauteng gebeur. Terloops daar was nie blanke kinders daarby betrokke nie.