Video: Talle treinwaens vat vlam op Kaapstad-stasie

Foto: ANA

Miljoene rande se skade is aangerig toe talle treinwaens Saterdagmiddag by die treinstasie in die Kaapstadse sakesentrum in ʼn brand verwoes is.

Die presiese omvang van die skade is in dié stadium nie duidelik nie. Steve Harris, algemene sekretaris van die United National Transport Union (Untu), het gesê minstens ses treinwaens het heeltemal uitgebrand nadat trein 3420 omstreeks 15:39 by platform 15 van die stasie aangekom het. Die brand het tot by platform 16 versprei teen die tyd wat die brandweer sowat tien minute later opgedaag het, het Harris gesê.

Theo Layne, woordvoerder van die Kaapstadse brandweer, het egter aan African News Agency gesê 11 treinwaens het in die slag gebly. Van die stasie se infrastruktuur is ook in die brand beskadig. Volgens Layne het vier brandweerwaens en twee watertenkers op die brand gereageer. Niemand is in die brand beseer nie.

Layne het gesê die oorsaak van die brand is nog nie bekend nie, maar Harris het aangevoer “dit is duidelik” dat die trein met opset aan die brand gesteek is. “ʼn Middel is gebruik om seker te maak dat die brand vinnig sal versprei,” het Harris gesê.

“Dit is die vyfde keer in die afgelope paar maande dat ʼn Prasa-trein aan die brand gesteek word terwyl dit ʼn stasie binnekom. Elke keer word dieselfde modus operandi gebruik,” het hy gesê.

“Meer as ʼn miljoen werkers in die Wes-Kaap is maandeliks afhanklik van treine om werk toe en terug [huis toe] te reis. Die oorbevolking op die treine in die provinsie weens ʼn tekort aan treinwaens is klaar só erg dat polisiebeamptes nie eens bereid is om in spitstyd op die berugte Sentrale-lyn te werk nie aangesien hulle nie veilig sal wees indien hulle hul dienspistole by hulle dra nie.”

Harris het gesê dit is noodsaaklik dat Bheki Cele, minister van polisie, ʼn taakspan met die nodige kennis aanstel om die voortgesette brandstigting op Metrorail-treine te ondersoek. “Indien die SAPD nie dringend stappe doen om Prasa se treine, wat met belastingbetalers se geld gefinansier word, te beskerm nie, sal daar nie genoeg treinwaens in die Wes-Kaap oor wees om enige diens aan pendelaars in Kaapstad te lewer nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Andre vd Merwe

En more staan selfde branfstigters en wag Vir dieselfde trein wat Hy self afgebrand het…

volla

So gepraat van treine. Is die nuwe treine wat van Spanje bestel was (en wat aangepas moes word omdat dit te hoog was vir plaaslike gebruik) al in bedryf geneem?

Francois le Cochon

Prasa behoort eintlik self al hul treinwaens in Kaapstad aan die band te steek, want al hul treinwaens is in ‘n haglike toestand.

Vermeendes

Mooi Maroela, n hoop staal vat net vlam!!!

Johanna Botha

Nee hulle staan nog netso en wag volla