Video: Versorger uit op waarskuwing ná erge mishandeling van bejaarde

'n Skermskoot uit die video.

‘n Skermskoot uit die video.

Die verpleegster wat daarvan aangekla word dat sy ʼn 84-jarige kankerpasiënt in ʼn versorgingsoord in Oos-Londen aangerand en mishandel het, is op waarskuwing vrygelaat tot en met haar volgende hofverskyning op 5 Junie.

Kapt. Mluleki Mbi, polisiewoordvoerder, het gesê ʼn aanklag van aanranding met die doel om ernstig te beseer is teen Ncediswa Mkenkcele aanhangig gemaak. Sy het sedert die voorval reeds twee keer in die Oos-Londen-landdroshof verskyn, maar die saak is by albei verskynings uitgestel vir verdere ondersoek. Mkenkcele is nie gevra om te pleit nie.

Die mishandeling van Hope Shepherd, ʼn inwoner van die Lily Kirchmann-tehuis in dié stad, het aan die lig gekom toe haar dogter beeldmateriaal van ’n versteekte kamera aan die polisie oorhandig het.

Carte Blanche het Sondag berig Shepherd se dogter, Bernice Robertson, het onraad vermoed aangesien haar ma heeltyd blou kneusplekke gehad het wat nie verduidelik kon word nie. As gevolg van Shepherd se keelkanker was sy nie in staat om te praat of te skryf nie. Robertson het toe ʼn kamera in haar ma se kamer versteek en later op die beeldmateriaal gesien hoe haar ma mishandel word.

Op die onderstaande beeldmateriaal kan gesien word hoe Shepherd met ’n vuis in die gesig geslaan en geskop word. Carte Blanche het egter ook beeldmateriaal uitgesaai wat gewys het hoe Shepherd met ʼn reukweerder-blikkie teen die kop geslaan word, waarna die reukweerder in haar gesig en vermoedelik ook die gat in haar lugpyp gespuit word. Daar kan ook gesien word hoe Shepherd vir nagenoeg drie uur aan haar rolstoel aan die bed vasgemaak word.

Volgens Daily Dispatch het die versorger onmiddellik bedank toe sy met die beeldmateriaal gekonfronteer is en is sy gevolglik nie dissiplinêr verhoor nie. Die berig beweer dit kos ongeveer R14 000 per maand vir ʼn pasiënt om in die Lily Kirchmann-tehuis versorg te word. Shepherd is intussen na ʼn ander versorgingsoord geskuif, het die koerant berig.

WAARSKUWING: Die beeldmateriaal is grafies van aard en kan sensitiewe kykers ontstel:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Marin

Dit is wreed. Kan nie glo dat oumense so behandel word nie. Ek was so ontsteld en nog steeds ontsteld, toe ek daardie video gekyk het. My ma het Dimensia en bly ook in ‘n versorgings eenheid. Hoe weet ons nie wat alles daar aangaan nie. Waar is die toesig by die versorsings eenhede. Kon niemand gehoor het hoe die sleg ding daardie arme tannie aanrand nie. Hoe kry sy dit reg om op waarskuwing uit te gaan. NICE SA. Mishandel, roof moor. Doen net wat die goed wil, en hulle gaan op waarskuwing uit.

Marieks

ek wens ek kan die verpleegster aan die hande kry, ek sal baie harder met
haar te werk gaan sy sal nie weer haar hande of voete kan gebruik nie!!!!

Tammy

Die versorger hoort in die tronk. Na aanleiding van die berig is dit poging tot moord!. Sy is in elke geval n vlugrisiko dis duidelik uit die feit dat sy onmiddelik bedank het en weg is by haar werk. Kan die vervolger nie bietjie verder kyk nie? Hoop hulle kry haar om voor die hof te kom, want wat is die kans dat sy gaan opdaag?

Dirk

Stem saam met jou Jan…

Jakes

As daar nie van hierdie ‘versorger’ ‘n baie radikale voorbeeld gemaak word nie, sal die tipe ding nie einde kry nie. As daar nie ernstige nagevolge is nie, sal daar geen verandering wees nie. Dagvaar die wit waks uit die KL Tehuis uit! Magtag man, waarvoor betaal mens?