Video: VVV het land op hol

Foto: @Lize_xoxo / Twitter

Foto: @Lize_xoxo / Twitter

Die video volg onderaan die berig.

Suid-Afrikaners van oor die hele land het Sondagaand ‘n vreemde vlieënde voorwerp in die lug gewaar, en ‘n aantal het foto’s en video’s van die vreemde verskynsel geneem.

Volgens Greg Roberts, wat as ‘n bekende satellietjagter beskryf word, is dit egter toe nie ʼn vreemde vlieënde voorwerp nie. Sy verduideliking op RSG se Sterre en Planete-Facebookblad is dat dit ‘n Falcon 9-vuurpyl is wat in die ruimte van oortollige brandstof ontslae geraak het.

Die verskynsel het, wat tyd en rigting betref, min of meer saamgeval met ‘n oorvlug van die Internasionale Ruimtestasie (IRS) oor Suid-Afrika. Die IRS sal juis nou besonder groot vertoon omdat ‘n kommersiële vragtuig, die Cygnus, met die hulp van ‘n robotiese arm aan die IRS vasgemeer is. Die tuig, wat nog eksperimenteel is, het slegs 700kg vrag aan boord gehad. Dit moes al vroeër by die IRS aangekom het, maar het langer as ses dae geneem omdat dit rekenaarprobleme ervaar het. ‘n Paar dae vroeër het drie nuwe bemanningslede na ‘n vlug van slegs ses uur by die IRS aangekom.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, SA-nuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Wilna ·

Ai tog, nie eers Aliens wil Suid-Afrika besoek nie………. Het seker gehoor van ‘scrap metal’ en koperkabels wat so goed verkoop. Hulle sal nooit weer kan opstyg nie.

Attie ·

soos Casper sê die fotos en videos is altyd blurry en hazy

Mariette Hammann ·

Ag nee, daar verpas ek toe weer my lift Mars toe!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.