Vier seuns by kinderhuis ontvoer tydens rooftog

Argieffoto

Argieffoto

Die polisie is op soek na ses verdagtes wat met ʼn ambulans by ʼn kinderhuis in Johannesburg opgedaag en vier seuns tydens ʼn rooftog ontvoer het.

Kapt. Kay Makhubela, woordvoerder van die polisie, het gesê die ses verdagtes het Woensdag ʼn ambulans gekaap. “Hulle het die ambulans gebel en gesê ʼn vrou is in kraam. Die paramedici is met hul aankoms beroof en die ambulans gekaap.”

Volgens Makhubela het die verdagtes hierna na die TLC-kinderhuis in Eikenhof, suid van Johannesburg, gery. “Hulle het toegang tot die kinderhuis geëis, vier seuns met ʼn vuurwapen gedreig en op kontant aangedring. Hulle het die kinders gevra of enigiemand op die perseel gewapen is.”

Makhubela het gesê die verdagtes het hierna die vier seuns ontvoer. “Polisiebeamptes het die ambulans gesien en agterdogtig geraak. Die beamptes het die ambulans agternagesit en die insittendes het op die beamptes losgebrand. Die polisie kon egter daarin slaag om die kinders en paramedici te red. Die verdagtes het van die toneel gevlug.”

Robert Mulaudzi, woordvoerder van die Johannesburgse nooddienste, het gesê die paramedici is na die Mulbarton-hospitaal geneem en is later ontslaan. Hulle sterk tuis aan. Dit is nie duidelik of die seuns beseer is nie.

ʼn Saak van poging tot moord, ontvoering en roof word ondersoek. Makhubela het ʼn beroep op die gemeenskap te doen om te help om die verdagtes vas te trek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Gertjie

As daar op SAPS geskiet word is dit poging tot moord, maar as dit wittes tydens ‘n inbraak is wat gelukkig is om te oorleef na skote gevuur is of pangas geswaai is, is dit slegs huisbraak of roof wat ondersoek word.????

Johann

Ag kaptein, siende dat jy vra die gemeenskap moet asb help om die verdagtes te help vastrek…stel die polisie nog beskrywings van die verdagtes vry? Behalwe dat hul mans was? Swart….wit? Gemengde groep? Was die kinders..KINDERS!!!!!!!!! wat ontvoer was en blootgestel was aan aan ongelooflike trauma swart? Wit? Die paramedici?

Alida

Makhubela, ons bly in ‘n land met baie verskillende rasse en kleure. Waarna moet ons soek as ons nie weet watter kleur die verdagtes is nie of moet ons raai?

Milwa

Julle hoofopskrif is baie misleidend. Dit was ‘n poging tot ontvoering, die kinders is gevind en veilig. Op eerste opslag klink dit of die kinders steeds vermis word.

RAS

Ons sal ongelukkig die RAS van die kapers moet weet sodat ons kan help soek. Hoekom word die ras weerhou? Twee wit mans rand een swart man aan en dwing hom in ‘n doodskis. Die media was nie bang om duidelik tussen die twee rasse te onderskei nie. Twee “verdagtes” steel ‘n ambulans en ontvoer kinders. Moet ons nou aanneem in die toekoms as ras nie genoem word nie dat hulle swart was? Hoekom word ras net genoem as die oortreders wit was en die slagoffers swart?