Vonnis opgelê vir moord op klein Liam Nortjé

Klein Liam Nortjé saam met sy ma, Cheinelle.

Die driejarige Liam Nortjé se pa is Vrydag lewenslange tronkstraf vir sy moord opgelê – al is die seuntjie se liggaam nooit gekry nie.

Nantes Nortjé (48) is Woensdag in die rondgaande hooggeregshof in Harrismith skuldig bevind aan die moord op Liam, asook op die aanranding van sy gewese vrou, Cheinelle, en hul twee dogters.

Die saak is weens kragprobleme op dié dorp na Bloemfontein verskuif, waar regter Corné van Zyl vandag die vonnis opgelê het.

Liam het in 2017 spoorloos verdwyn nadat Nortjé hom by Cheinelle gaan oplaai het. Hy het destyds gesê hy het die seuntjie vir mense gegee wat nie kinders kan kry nie, maar het geweier om enigsins meer inligting bekend te maak.

Ondanks Cheinelle se herhaalde pleidooie, het Nortjé deurlopend verseg om te sê waar die seuntjie is, of selfs net ʼn bewys te lewer dat hy nog leef.

Nortjé hou steeds vol Liam leef nog en het aan sy regsverteenwoordiger, Peter van der Merwe, gesê hy berus by die hof se vonnis en gaan nie daarteen appelleer nie. Nortjé het onskuldig gepleit op die aanklagte teen hom en het nie tydens sy verhoor getuig nie.

Hy is lewenslange tronkstraf vir die moord opgelê, en onderskeidelik drie jaar, nege maande en vyf jaar vir die drie aanrandingsklagte.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Anoniem

So hartseer sat sulke dinge met vrouens en kinders gebeur !!!

Jolanda

Hoe Kan niemand iets weet nie?
Daar Moes tot bewyse van iets wees want hoe vonnis hul hom sonder bewyse?

Miekie

Ek kan nie glo ‘n pa kan dit aan sy eie vlees en bloed doen nie.
En dan maar ewe gedwee se hy berus wat die hof se. So hy is skuldig. Wie sal verniet in die tronk gaan sit lewens lank. Dis belaglik.
Baie sterkte aan Liam se moeder en twee sussies

toy

‘n Gevoellose mens wat so iets doen. Maar hy gaan eendag rekenskap moet gee.

Bees

Nou kry hy gratis losies en hoe nooit weer te werk nie. Drie maaltye n dag, ai tog. Dit is tyd dat die gevangenis nie meer so aanloklik moet wees nie.