Voormalige LUR vas vir bedrog, korrupsie

Wendy Nelson. Foto: ANA.

Wendy Nelson, die voormalige LUR vir finansies in Noordwes, is Vrydag borgtog van R20 000 in die Molopo-landdroshof in Mmabatho toegestaan nadat sy vroeër die dag op aanklagte van bedrog en korrupsie in hegtenis geneem is.

Kapt. Tlangelani Rikhotso, woordvoerder van die Valke, het gesê Nelson (57) is in hegtenis geneem nadat die Valke bewerings ondersoek het na die onreëlmatige aanstelling van ʼn senior amptenaar in die departement van gesondheid in 2014.

Die saak is tot 6 September uitgestel vir verdere ondersoek.

Volgens Rikhotso sal ʼn tweede verdagte in die saak na verwagting na vore kom.

Die waarnemende provinsiale komitee van die ANC in Noordwes het gesê hy neem kennis van Nelson se inhegtenisneming.

“Wendy, ʼn lid van die tussentydse provinsiale komitee, staan ​​tereg op aanklagte van bedrog en korrupsie. Ons respekteer die grondwetlike reg van elke Suid-Afrikaner om as onskuldig beskou te word totdat skuldig bevind word, maar ons versoek dat die wet sonder enige hindernisse sy gang gaan,” het Kenny Morolong, woordvoerder van die komitee, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Willehond

Ek is nou so verbaas! Anc lid wat bedrog pleeg?? Kan nie wees nie! Hulle is dan so eerlik!

Jan

Hoe dan anders ? Dit is ,n vereiste in die regering en hulle word so opgelei.

Showahed

Sy doen maar net op ‘n minimale skaal wat die ANC regering op volskaal doen… so moenie van haar ‘n voorbeeld probeer maak nie.

Neels

Die kader wou seker nie met ander kaders deel nie en toe word sy gerapporteer , nou kry n ander een weer n kans . Sy is nou uit op borg en gaan dan op verpligte betaalde verlof en later word sy herontplooi na n afdeling waar sy nie so maklik uitgevang kan word nie

Cherokee

Die omvang van bedrog sedert die ANC touleier geword het, is ongelooflik.