Johan Laubscher, die Voortrekkers se adjunk-hoofleier: verkennersake. (Foto: Facebook)
Johan Laubscher, die Voortrekkers se adjunk-hoofleier: verkennersake, is vandeesweek onverwags dood.
Dr. Danie Langner, die Voortrekkers se hoofleier, het dié hartseer nuus Woensdag op sosiale media aangekondig.
Die presiese oorsaak van Laubscher se dood is nie in dié stadium duidelik nie.
Laubscher het aanvanklik as kommandoleier van Unika en oordleier van Goudrand in Johannesburg gedien voordat hy in 2013 as gebiedsleier van die Voortrekkers in Transvaal verkies is.
Laubscher is in 2017 op die hoofdagbestuur as adjunk-hoofleier: verkennersake verkies.
“Ek het Johan leer ken as ’n kindervriend en diensbare leier,” skryf Langner op Facebook. “Iemand wat opreg in jong mense en hulle wêreld belangstel. ’n Man uit een stuk. ’n Leier wat moue oprol en hard werk vir ’n beter toekoms. ’n Voortrekker wat koers sien, koers aandui en koers hou.
“Sy dood is ’n onsettende verlies.”
Langner kon nie Donderdag vir kommentaar bereik word nie.
Nog een van die min eerbare Afrikaanse instellings in ons land.
‘n Groot man. ‘n Seun van Afrika.
Een maal ‘n Voortrekker, altyd ‘n Voortrekker.