(Foto: Verskaf)
Paramedici van Advanced Life Support (ALS) is Woensdag omstreeks 07:30 na ʼn toneel in Ridgeview Cato Manor in Durban ontbied nadat ʼn vragmotor in ʼn woonstelblok ingeploeg het.
Volgens Garrith Jamieson, woordvoerder van die nooddiens, het paramedici op ʼn chaotiese toneel afgekom.
“Die bestuurder het op die een of ander manier beheer oor die vragmotor verloor toe hy om ʼn draai gekom het. Hy is regdeur die heining en het in ʼn woonstelblok ingeploeg.”
Hy sê die bestuurder van die vragmotor was in die wrak vasgekeer. Die brandweer en die Netcare911-reddingseenheid is onmiddellik ontbied.
“ALS-paramedici het saam met EMRS-paramedici gewerk om die bestuurder te stabiliseer, terwyl die res van die spanne gehelp het om die bestuurder uit die wrak te probeer bevry. Ongeveer ʼn uur later is die pasiënt met behulp van kake van die lewe uit die wrak gered.
“Hy is versigtig uit die vragmotor verwyder voordat hy na ʼn nabygeleë hospitaal gehaas is.”
Volgens Jamieson het ʼn inwoner van die woonstelblok matige beserings opgedoen.
“Hy is op die toneel gestabiliseer voordat hy deur ALS-paramedici na ʼn nabygeleë hospitaal geneem is.
“Die omstandighede wat tot die ongeluk gelei het, is nie in hierdie stadium bekend nie.
“Die polisie was ook op die toneel en ondersoek die saak,” sê Jamieson.
(Foto: Verskaf)
(Foto: Verskaf)
Daar gaan al hoe meer sulke gevalle wees
spoed en onpadwaardige voertuig…
Dankie Sandra. Onverklaarbare manier???? Nee baie verklaarbaar, soos Sandra meld.
Onbevoegde bestuurder. As hy nie vasgekeer was nie, het hy weggehol. Hulle sal hom nou nog gejaag het. Hulle moes hom nie versigtig uit die wrak gehaal het nie, want hy het nie versigtig om die draai gery nie.
Weer eens een van Checkers se bestuur lisensies……
Spoed en oorhaastige bestuurder … ‘n Konstruksievoertuig wat @ 100km/uur om ‘n draai kom is ‘n ongeluk wat wag om te gebeur.