ʼn Vrou het Donderdagaand in Jukskeipark in Johannesburg met haar motor deur ʼn muur geploeg.
Volgens Shawn Herbst, woordvoerder van Netcare 911, het die vrou vermoedelik beheer oor haar ligte voertuig verloor in Saffierstraat en toe deur die muur gebars.
Sy het teen ʼn voertuig wat aan die ander kant van die muur gestaan het, gebots.
Herbst sê paramedici is omstreeks 21:10 na die toneel ontbied. Met hul aankoms op die toneel het hulle op die vrou afgekom wat ernstige beserings opgedoen het. Hulle het haar op die toneel behandel.
Nadat die vrou gestabiliseer is, is sy per ambulans na ʼn nabygeleë hospitaal geneem vir verdere mediese behandeling.
Huis toe gejaag omdat sy laat was vir curfew?
Nee vir n wyntjie!
Seker gejaag om aandklok reel te gehoorsaam.