ʼn Vrou is Sondag vroegoggend ernstig beseer toe sy tydens ʼn staptog gegly en op die rotse geval het by Kloof Gorge, ʼn kloof by die Krantzkloof-natuurreservaat in die Durban-Wes-omgewing, KwaZulu-Natal.
Die vrou het saam met ʼn groep vriende ʼn staproete by die kloof aangepak toe die ongeluk gebeur het.
Shawn Herbst, woordvoerder van Netcare911, sê paramedici is Sondagoggend omstreeks 07:14 na die toneel ontbied. Die paramedici het saam met reddingswerkers van RescueTech en Ezemvelo KZN Wildlife deur die digte bosse hul weg na die beseerde vrou gevind.
Herbst sê die vrou het tydens die staptog gegly en meer as drie meter na die rotse onder haar geval. Sy het ernstige kop- en rugbeserings opgedoen. Haar toestand was Sondag kritiek.
Paramedici moes haar op die toneel stabiliseer. Sy is daarna in ʼn gespesialiseerde draagbaar gesit en per helikopter na ’n hospitaal geneem vir verdere mediese behandeling.
Groot dankbaarheid vir die onbaatsugtige en belangrike rol wat die reddingswerkers in ons samelewing verrig.
Baie jammer om te hoor en hoop sy herstel ten volle…
Maar hoe laat die natuurreservaat TOE dat mense gaan stap in die afsonderings tydperk.
Louise, jy mag al van 1/6 af gaan stap…