Vrou moet groot bedrag opdok oor k-woord

‘n Skermskoot uit die video wat deur eNCA op YouTube gelaai is.

Die eiendomsagent wat verlede jaar op videokamera vasgevang is toe sy ʼn Johannesburgse polisiekonstabel die k-woord toegesnou het, moet konst. Clement Mkhondo nou R100 000-skadevergoeding betaal.

Maroela Media het vroeër berig Vicki Momberg (48) is in Februarie 2016 op beeldmateriaal vasgevang waar sy op haar selfoon praat en die k-woord gebruik en vir iemand sê swart mense in Johannesburg is “verskriklik” en sy is keelvol daarvoor. Dit was kort nadat ʼn grypdief haar motorvenster stukkend geslaan het.

Die gelykheidshof, wat in die Randburg-landdroshof gesit het, het verlede week beslis dat Momberg buiten die skadevergoeding wat sy moet betaal, ook gemeenskapsdiens moet verrig as deel van ʼn program wat deur die Suid-Afrikaanse Menseregtekommissie (MRK) en geaffilieerde organisasies soos die Ahmed Kathrada-stigting aangebied word. As deel van die program sal Momberg die Apartheidsmuseum besoek en die MRK se gemeenskapsuitreikprogramme en sensitisering-werkswinkels bywoon.

Sy moet ook ʼn onvoorwaardelike, geskrewe verskoning aan Mkhondo maak waar sy enige rassistiese uitsprake en haatspraak teen swart mense terugtrek. Die verskoning moet op Twitter, Facebook en die MRK se webtuiste gepubliseer word.

Momberg het tydens die verhoor aangevoer dat sy aan “tydelike nie-patologiese ontoerekeningsvatbaarheid” gely het ná die rooftog wat vroeër die aand plaasgevind het. Die hof het egter bevind Momberg was in staat om te besef dat haar optrede verkeerd was en sy was in staat om haar verbale mishandeling op haar slagoffers te rig.

Momberg staan ook tereg op vier strafregtelike aanklagte van crimen injuria vir haar beweerde uitlatings. Hierdie saak duur steeds voort.

Die Cliffe Dekker Hofmeyr-regsfirma het in ʼn verklaring die gelykheidshofuitspraak verwelkom en gesê hy hoop dit stuur ʼn sterk waarskuwing uit dat rassistiese haatspraak nie geduld sal word nie.

Lees alle vorige berigte oor Vicki Momberg op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

63 Kommentare

jongste oudste gewildste
ek

Ok, nou wat van al die swart op wit rassisme? Wat word daarvan? Ek sien nie dat een van hul boetes moet betaal nie???

al

En as ons Boere en Whiteys genoem word?! Wanneer wird ons mede landgenote ook sulke swaar strawwe opgelê. Soos dat ons setlaars is?
Ons wag MRK.
Alle rassistiese uitsprake moet hard aangespreek word.

Jaco

Ek raak nou dik vir hierdie eensydige rassisme!! Wat word gedoen aan die man wat gese het alle wit mense moet in stukkies gekap word? Nooit weer daarvan gehoor nie!!

Kaspaas

Weereens eensydig niks nuut. Wat sy gedoen het is nie reg maar weereens word net wittes gestraf. Die wat plasings maak dat wittes vermoor moet word, word nie eens aangekla of aangespreek nie, MRK is maar net n arm van die regering se Anti Wit houding. Soos hulle se Die wit ras is die enigste ras teen wat wettiglik gediskrimineer kan word.

Hesda

Wat goed is vir die een is goed vir die ander een ook. Hoop net daar word op ook op getree teen die wat ons as blankes ook name noem.