Vrou sny ontroue kêrel se geslagsdeel af

ʼn 21-jarige vrou het Maandag in die Meadowlands-landdroshof in Gauteng verskyn nadat sy glo haar kêrel se geslagsdeel afgesny het.

Volgens konst. Sibusiso Chauke, ʼn polisiewoordvoerder, het die vrou Sondag na bewering haar kêrel met ʼn ander meisie in Soweto betrap en hulle albei beveel om hul klere uit te trek.

“Sy het daarna glo ʼn mes gevat en haar kêrel se penis afgesny. Sy is dieselfde dag nog in hegtenis geneem,” het Chauke gesê. Die kêrel is na ʼn nabygeleë hospitaal geneem vir behandeling.

“Die vrou het Maandag in hof verskyn, maar kon nie die R2 500 borgtog betaal nie. Sy bly in aanhouding totdat sy weer op 23 Oktober in die hof moet verskyn.”