Lees ook:
Veghond-aanval: Vrou se naam bekend
ʼn Vrou is Donderdag in Baysville, Oos-Londen dood nadat veghonde haar aangeval het.
“Die 45-jarige vrou het omstreeks 23:30 saam met vriende in die straat geloop toe sy aangeval is,” het kapt. Stephen Marais, woordvoerder van die polisie in die Oos-Kaap, gesê. “Dit is nog nie duidelik hoeveel honde haar aangeval het nie, want daar was twee volgroeide en twee klein veghonde in die erf.”
Die vrou is op die toneel dood verklaar.
Die Dierebeskermingsvereniging (DBV) is ontbied om die honde te verwyder.
Die polisie doen ʼn geregtelike doodsondersoek.