Vrou vas oor handgranaat, dwelms

Mandrax-tablette  (argieffoto)

Mandrax-tablette
(argieffoto)

ʼn Vrou van Kaapstad is Woensdagaand in hegtenis geneem nadat ʼn handgranaat, ammunisie en ʼn groot hoeveelheid dwelms in haar huis in Woodstock gevind is.

Lt.kol. Andre Traut, woordvoerder van die polisie, het gesê die 41-jarige vrou is vasgetrek nadat die polisie ʼn wenk van die publiek ontvang het. “Die vrou se huis, in Stationweg, is deursoek en polisie het ʼn handgranaat, 1188 Mandrax-tablette en ammunisie gevind,” het Traute gesê.

Die vrou is aangekla van die besit van ʼn ploftoestel, die onwettige besit van ammunisie en dwelmhandel. Sy sal Vrydag in die plaaslike landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Jan ·

Ja, dis die tipe wapens wat kriminele het, maar ‘n wetsgehoorsame persoon moet ‘n maandelange proses en kostes aangaan om net ‘n pistool of jaggeweer te kry. Ek wil eendag in ‘n land leef waar die regering bietjie aan die goeie ouens se kant is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.