Vroue kritiek ná kosstalletjie ontplof

Die ontploffing het in Earpstraat in die nywerheidsgebied Ophirton gebeur. Foto: Google Maps

Twee vroue is ernstig beseer tydens ʼn gasontploffing in hul mobiele kitskosstalletjie in die suide van Johannesburg.

Volgens Russel Meiring, ER24-woordvoerder, het paramedici en beamptes van nog ʼn nooddiens omstreeks 09:45 Donderdag op die toneel aangekom in Earpstraat in die nywerheidsgebied Ophirton, suidwes van die middestad.

“Paramedici het die vroue aangetref waar hulle buite die stalletjie gelê het. Na verneem word, het omstanders die twee vroue ná die ontploffing uit die vraghouer gehaal.”

Meiring sê hulle het die beseerdes op die toneel ondersoek en vasgestel dat hulle veelvuldige brandwonde opgedoen het. Albei was in ʼn kritieke toestand.

Die vroue (albei in hul 20’s) het lewensondersteuning ontvang en is toe na die Chris Hani Baragwanath-hospitaal vir verdere behandeling gebring.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

liefie ·

So jammer, en dit gebeur terwyl hulle probeer werk. Sterkte.

Johann Fourie ·

Ai tog, hulle probeer ten minste ‘n ietsie self verdien en nou so aaklige ding. Glo jul herstel vinnig 🌹

SjN ·

Die sake eienaar moet aan n klomp wetlike aspekte voldoen wat n groot finansiele impak het. Dink maar aan lisensies, huur, water en ligte, personeel, veiligheid, wet op beroepsveiligheid, toilet geriewe ens, Wat is die vereistes tov kosstalletjie/vraghouer entrepeneurs? Wil nie eers aan higiene dink nie.

Johan H. ·

Sterkte vir julle,,,,DIT is hoekom daar standaarde is of altans was,,,, Afrika????

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.