Vrystaat-boer dood ná hy gebrand, aangerand is

Argieffoto: Reint Dykema

Argieffoto: Reint Dykema

ʼn Boer van die Lindley-omgewing in die Vrystaat is dood nadat hy Saterdagaand wreedaardig op sy plaas gebrand en aangerand is.

Kol. Annelie Wrensch, woordvoerder van die polisie, het aan Maroela Media gesê die 70-jarige man is Sondagoggend buite sy huis gekry waar hy deur die aanvallers vasgemaak was. Hy was glo ernstig beseer nadat die aanvallers hom gebrand en erg aangerand het.

“Die man se GWM-bakkie is buite sy plaashek gevind. Die bakkie het glo ʼn anti-kaping-toestel gehad wat veroorsaak het dat die voertuig uitgesny het,” het sy gesê. Paramedici het met die man na die Bethlehem Mediclinic gehaas, maar hy is kort ná sy aankoms by die hospitaal dood.

Volgens Wrensch word daar vermoed dat ʼn pistool op die plaas gesteel is, maar die polisie is steeds besig met hul ondersoek op die toneel. Geen verdagtes is nog in verband met die voorval in hegtenis geneem nie.

Dan Kriek, voorsitter van die Vrystaat Landbou-unie, het aan Maroela Media gesê hulle het met skok en afgryse verneem van die wreedaardige aanval en veroordeel die moord ten sterkste. Hy het gesê dat die landbou-unie ondersteuning aan die man se familie en die betrokke gemeenskap sal verleen.

Maroela Media kan nie in hierdie stadium die naam van die oorledene bekendmaak nie aangesien al sy familielede nog nie van sy dood in kennis gestel is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Peet Schabort

Waar is zuma se mandeladag-mooipraatjies nou of het dit nie te doene met ook plaasmoorde ?
Sterkte aan die familie van die oorledene.

Winston

Ja Peet. Wil ek ook weet. Hierdie was nog nooit maar net gewone misdaad nie. Dis rassehaat. Die slagoffer is wreed gemartel.Waarom spreek Zuma nie hierdie gedrag aan nie? Deur addisionele wette op die boek te plaas soos middel eeuse marteling, n misdaad op sy eie te maak. Sy bekpraatjies en optrede verskil soos swart en wit.

ekke

Wat gaan van ons word!

Johan 2

Dis baie hartseer, ekt hom geken en hy was n baie vriendelikke nederage oomie. Sy vrou is in 2007 (?) oorlede en hy was baie lief vir die plaas en sou nie wou trek nie. Hy gaan gemis word. Lyk of die Polisie maar min werd is om die goed vas te vat.

Godfried Krugel

Was dit weer rowers of wreedaards???