Vyf sterf, talle beseer in gru-botsing

Foto: Rescue Care

Vyf mense is dood en talle beseer in ʼn grusame botsing Maandagoggend op Queen Nandi-rylaan in Durban, KwaZulu-Natal.

Garrith Jamieson, bedryfsdirekteur van Rescue Care-nooddienste, het gesê met paramedici se aankoms net ná 06:00 op die toneel het hulle “totale chaos” aangetref.

Volgens Jamieson het twee taxi’s en ʼn vragmotor gebots, waarna een van die taxi’s gerol en weer op sy wiele tot stilstand gekom het. Vier mense is op slag dood.

ʼn Vrou wat ernstige beserings opgedoen het, het gesterf onderwyl paramedici haar behandel het.

“Talle ander pasiënte het verskeie beserings opgedoen en is op die toneel behandel voordat hulle na verskillende Durbanse hospitale geneem is,” het Jamieson gesê. “ʼn Mediese helikopter is na die toneel ontbied om ʼn pasiënt wat kritieke beserings opgedoen het na ʼn nabygeleë hospitaal te neem.”

Die oorsaak van die ongeluk is nog nie bekend nie en word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
ne

AL WEER ‘N TAXI!!!!!!!!!
Waar kry die mense hulle lisensies?

Penellope Jones

Altyd, Altyd ‘n taxi betrokke.
RIV aan diegene wat met hul lewens moes boet vir die wat hul skuldig gemaak het aan nalatige bestuur.

Ivy

Laat die taxi bestuurders getoets word vir dwelms.Dit is sleg dat so baie mense moet sterf aan die stuur van een mens.

Monre

Hoe?

As jy mooi kyk op die foto sal jy sien die bestuurder se kant is uit ge-‘Blur’… Hy is ook oorlede….

Vragmotor

…en alweer n vragmotor. Hulle koop die lisensies want hulle het geen moraal of begrip vir die doel van padreels nie.