Eskom het Sondag aangekondig dat fase 3- en 4-beurtkrag Maandag ingestel sal word en tot verdere kennisgewing van krag sal wees.
Volgens die kragvoorsiener sal fase 3 Maandag tussen 05:00 en 16:00 geïmplementeer word, gevolg deur fase 4 wat tot Dinsdag om 05:00 sal geld.
Dié skedule sal dan tot verdere kennisgewing voortgaan.
Altesaam 7 417 MW is tans weens beplande instandhoudingswerk nie beskikbaar nie, terwyl nog 15 148 MW weens onbeplande herstelwerk nie beskikbaar is nie.
Daar is die afgelope 24 uur ook vier opwekkingseenhede by die Kriel-, Matimba-, Matia- en Tutuka-kragstasie in diens gestel.
In dieselfde tydperk is ʼn opwekkingseenheid elk by die Duvha-, Hendrina- en Kriel-kragstasie van lyn af weens herstelwerk.
Verder is die herstel van ʼn opwekkingseenheid elk by die Duvha- en Tutuka-kragstasie vertraag.
… en daar stuur die Sjinese ‘n vuurpyl op met ‘n vloeibare steenkoolgebaseerde gel as brandstof. Seker van die steenkool vir ‘n appel of ei verkry van SA? Maar ons moet maar dom wees en bly. Die Ooste sal gedy… Lees die Sjinese nuusblad op tv. SA kan skatryk word!
Die wintewr kom vinnig nader – Eskom sal moet uithaal en wys