Verskeie mense is die afgelope paar maande deur weerlig doodgeslaan. (Foto: Emer-G-Med)
ʼn Vrou is dood en nog een veg om haar lewe nadat die weerlig hulle Maandagaand in Kempton Park raakgeslaan het.
Kyle van Reenen, woordvoerder van die nooddiens Emer-G-Med, sê paramedici was omstreeks 18:00 in Jonesweg waar albei vroue op die grond gelê het.
Een van die slagoffers (40) het geen tekens van lewe getoon nie en paramedici het haar op die toneel dood verklaar.
“Die tweede vrou was in ʼn kritieke toestand,” sê Van Reenen.
Sy is op die toneel gestabiliseer voor sy na ʼn nabygeleë hospitaal vir verdere behandeling geneem is.
Verskeie mense is die afgelope sowat drie maande deur weerlig doodgeslaan terwyl stormweer oor groot dele van die land gewoed het.
As die weer swaar is bly in jou huis.