Die Suid-Afrikaanse Weerdiens het waarskuwings uitgereik teen donderstorms oor dele van die Wes-Kaap wat Sondag verwag word.
Stella Nake, woordvoerder van die Weerdiens, sê ʼn geel vlak 4-waarskuwing word uitgereik vir Sondag (5 Maart) vir erge donderstorms en hael wat tot oorstromings kan lei in die suidelike Kaapse Wynlande-distrik, Laingsburg en Prins Albert-munisipaliteite.
ʼn Oranje vlak 6-waarskuwing word ook vir Sondag (5 Maart) uitgereik vir erge donderstorms, wind en kitsvloede wat skade aan infrastruktuur kan veroorsaak vir die Overberg- en Tuinroetedistrikte.
Wydverspreide buie en donderstorms word Saterdag reeds reg oor die provinsie verwag.
Die reënval vir Sondag word voorspel op 40 mm – 60 mm vir die suidelike dele van die Kaapse Wynlande en Sentrale Karoo met tot 70 mm – 100 mm in die Overberg en Tuinroete-distrikte.
Nake maan die publiek om gereeld weervoorspellings op die televisie en radio te volg. Inligting sal ook gereeld by www.weathersa.co.za gedeel word en op die Weerdiens se Twitterprofiel by https://twitter.com/SAWeatherServic.
ek hoop dit reen in PE se opvang gebiede ook sodat ons damme water kan kry.