John Jeffery, adjunkminister van justisie en konstitusionele ontwikkeling. (Foto: GCIS)
John Jeffery, adjunkminister van justisie en konstitusionele ontwikkeling, het vroeër vandeesweek tydens sy departement se begrotingsdebat die wetsontwerp wat poog om prostitusie te dekriminaliseer teruggetrek.
Jeffery sê die voorgestelde wetsontwerp sal nie in die parlement ter tafel gelê word nie nadat kommer oor die grondwetlikheid daarvan geopper is. Daar was boonop ook geen regulatoriese raamwerk gereed om die dekriminalisering te hanteer nie.
Verskeie belanghebbendes het die besluit verwelkom, veral die ACDP wat destyds ontsteld was toe die wetsontwerp voorgestel is.
Steve Swart, sweep van die ACDP, sê jare gelede was die party betrokke by die formulering van die oorspronklike wet oor prostitusie.
“Tydens die destydse beraadslaging is daar besluit om die kriminalisering van prostitusie in die Wet op Seksuele Misdrywe te behou, en om art. 11 – die kriminalisering van die koper van seksuele dienste – in die wysigingswetontwerp van die Wet op Seksuele Misdrywe en Verwante Aangeleenthede te voeg,” sê hy.
“Dit is beskou as ʼn grondwetlik toelaatbare wetgewende opsie.”
Volgens Swart het die departement grotendeels die Konstitusionele Hof se uitspraak van 2002 geïgnoreer toe hy besluit het om die wetsontwerp in die eerste plek te oorweeg.
Dié uitspraak het die grondwetlikheid van wetgewing wat prostitusie kriminaliseer voorgehou.
“Die Wet op Seksuele Misdrywe streef ʼn belangrike en wettige grondwetlike doel na, naamlik om kommersiële seks te verbied,” lui die uitspraak. “Prostitusie word geassosieer met geweld, dwelmmisbruik en kinderhandel. Dit is die wetgewende feite.”
Swart wys ook daarop dat art. 18 van die Afrika-handves van menseregte, waarvan Suid-Afrika ʼn ondertekenaar is, verklaar: “Die gesin sal die natuurlike eenheid en basis van die samelewing wees. Dit sal beskerm word deur die staat wat sal sorg vir sy fisiese gesondheid en morele welstand. Die staat sal die plig hê om die gesin by te staan wat die bewaarder is van tradisionele waardes wat deur die gemeenskap erken word”.
“Die voorgestelde wetsontwerp is direk strydig met art. 18 en sou lei tot die verdere verbrokkeling van die sedes en tradisionele waardes wat deur die meerderheid Suid-Afrikaners voorgehou word,” sê Swart.
‘Een stap vorentoe, twee terug’
Die Vryemarkstigting sê in sy reaksie net as die departement op vooruitgang besluit deur “uiteindelik die wet in lyn te bring met die grondwetlike waarborg op professionele vryheid” deur prostitusie te dekriminaliseer, gaan hy weer agteruit.
Die stigting sê die departement se jongste besluit oor die voorgestelde wetsontwerp ontneem mense van hul konstitusionele reg om “hul beroepe vrylik te kies”.
“Die Grondwet sê ʼn beroep kan deur ʼn wet gereguleer word, dus om ʼn beroep soos prostitusie te reguleer is diskresionêr, nie verpligtend nie,” sê die stigting.
“ʼn Liberale benadering sal in hierdie geval werk en boonop ekonomiese groei en burgerlike vryheid in Suid-Afrika bevoordeel.”
Die Vryemarkstigting het voorgestel dat die voorgestelde wetsontwerp aanvaar word op dieselfde manier as wat dit aanvanklik in 2022 aangekondig is.
Hoe op dees aarde wil jy ‘n wet voorlê maar al jou eendjies is nie in ‘n ry nie. O hel nee. Maar ja as jy op ‘n stoel sit en nie eerstens weet hoekom die stoel daar is nie, dan as jy op daardie stoel moet sit en jy verstaan nie hoekom jy spesifiek op daardie stoel moet sit nie, en wat jy moet doen as jy op daardie stoel sit. Besef jy dat daai stoel se sitplek partykeer baie baie warm kan word! Ek skeur myself elke keer as hierdie vrot regeringsamptenare hulleself so n piesang skil.
En God wat die hoogste gesag is, verbied dit.
in die wet van die Here is prostitusie strafbaar met die vuuroond as die oordeelsdag aanbreek, lees die Bybel en moenie argumenteer oor die wet nie
Daar is deesdae so baie Bybels elke groepie het sy eie wat sy storie op die ander wil afdwing, en behoede die wat nie daarmee saamstem en hulle eie waardes verkrag nie.
Die probleem Gert is dat mense nie meer Godvresend is nie. Elkeen doen soos hy/sy wil. Of mense die Woord glo of nie – dit verander nie God se wil nie.
Daar is baie gode. Selfs die bybel erken dat daar baie gode is. As jy vanaf gen 1 tot 3 lees, sal jy meer as een van die gode herken. Almal onder selfde vaandel met ander persoonlikheid
Afgode ja maar net een Lewende God en net deur Jesus C het jy toegang tot Hom.
Hou op uit jul duim goed suig om almal te pas, gaan terug na Godswoord en handel daarvolgens
Watse gedeelte van “godswoord”?
God wil hê dat die mens sy/haar liggaam moet respekteer, oppas, versorg en tot Sy eer moet aanwend. Hoe seer moet dit nie God se hart maak as prostitusie beoefen word nie. Kom ons help hierdie mense om ander “werk” te doen vir ń inkomste en haal hul uit hierdie “hel” uit waarin hulle leef.
Ja groot sonde in God se oe lees jou bybel en kyk wat God se vergeet bietjie van wette julle hopeloos op verkeerde pad
Sal jy hulle inneem om hul te red van die werk wat hul moet doen?
Daar is geen m anier om dit te stop nie. En die hartseer gedeelte, met die huidige ekonomie en werksverliese as gevolg van beurtkrag, gaan dit vir meer en meer na n opsie lyk. Gebed betaal nie huur en sit nie kos op die tafel nie
Eerste gedeelte stem ek saam laaste sin nee daar is baie organisasies wat help met kos
En daar is mens wat help as jy bv vra vir kos Sommige van die hulle wil net geld he vir dwelms en onthou ook as jy bv siektes soos vigs kry waar gaan jou kidz dan kos kry (is net n voorbeeld )
Duidelik JvR het jy nog nooit Jesus ontmoet nie. Gebed werk, die Woord sê dit. Ongelukkig dat mense Jesus as n spaarwiel wil aanwend. “n Quik fix. Die Woord sê geen ding sal onmoontlik by God wees nie. Geloof alleen beweeg God.
Die woordf se een ding. Menige mens het al die teenoorgestelde ervaar. Selfs onskuldige kinders ,
God het steeds die laaste woord. Gaan kyk die fliek ( M10;28 )wat op n ware verhaal baseer is. Dit is op Youtube en mag dalk net sekeres tot realiteit skok, die HELL is die voorland van mense wat nie gehoorsaam is aan die Bybel nie. Maak nie saak of jy glo of nie, daar is net een uiteinde. 1 Corint. 6;9-11, Geen onsedelikes ens, sal hemel sien nie. Onthou net, die lewe is kort.
Ek het met n oop gemoed gaan oplees oor die fliek, selfs na die video op youtube gegaan. Die meisie het glo die hel gesien. Volgens die bybel is onmoontlik vir iemand om die “ander kant” te sien en terug te kom. Die bybel se telkemale dinge moet op grond van geloof aanvaar word. So waar is die feite?
As mense terugkeer Na God se woord en verhouding met Hom he onder andere waar mense Mekaar repekteer-Jy behandel mekaar soos jy self behandel wil word….sommige Mense hou nie daarvan as jy dinge wat verkeerd is bevraagteken en dit nie normaliseer nie ….
God haat sonde, MAAR het sondaars lief. Onthou jul sondagskoolles oor Ragab in Joshua 2. Lees gerus Joh 4 oor die Samaritaanse vrou ook.
Verseker Jakkie. Mense moet die NT gaan bestudeer en dan sal hul sien wat die Woord sê oor hoe dit in die laaste dae op die aarde sal wees. Hartseer is dat mense steeds sonde wil regverdig en God se liefde as verskoning wil gebruik. Mense moet repent terwyl daar tyd is. Daar wag daar n groot ontnugtering op die mensdom.
Kyk. Ek praat glad nie prostitusie goed nie. Maar niemand het eendag op hoërskool opgestaan en gese “ek wil eendag n prostituut wees”. Omstandighede het hul by n “point of no return” gebring. Dit is nooit iemand se eerste keuse nie. Dit is wel iemand se eerste keuse om in politiek of teologie te gaan, waar die meeste klippe gegooi word, en die ergste omstandighede geskep word.