Zuma kyk na besware oor Onteieningswet

Pres. Jacob Zuma. Foto: Ntswe Mokoena, departement van kommunikasie

Pres. Jacob Zuma. Foto: Ntswe Mokoena, departement van kommunikasie

Pres. Jacob Zuma het Woensdag gesê hy het amptelike besware ontvang teen die bekragtiging van die omstrede Wetsontwerp op Onteiening.

“Die presidensie het die Onteieningswetsontwerp van 2015 van die Nasionale Vergadering ontvang vir bekragtiging en ondertekening. Die presidensie het ook besware teen die wetsontwerp ontvang,” het Zuma se kantoor in ʼn verklaring gesê. “Alle sake word nog verwerk.”

Die DA het vroeër gesê die party is deur sy regsverteenwoordigers meegedeel dat die wetsontwerp strydig is met artikels 25 en 26 van die Grondwet, wat onderskeidelik verband hou met die reg op eiendom en die reg om nie sonder ʼn hofbevel uitgesit te word nie.

Die DA het geëis dat Zuma die wetsontwerp terugverwys na die parlement sodat dit gewysig kan word in ooreenstemming met die Grondwet.

Die wetsontwerp, wat al sedert 2008 in die pyplyn is, poog om rasse-ongelykhede in grondeienaarskap te takel. Dit sal die staat toelaat om grond aan te skaf “in openbare belang” teen pryse wat deur ʼn regeringsberegter bepaal is en die gewillige koper/gewillige verkoper-beleid vir grondhervorming sal tot ʼn einde kom.

Lees alle vorige berigte oor die Onteieningswetsontwerp op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
PJ

Maar hy kan dan nie lees nie

Etienne

Ek, hoop nie daar is groot syfers in nie.Bokwagters kan dit nie uitsprek nie.

Joann

Verstaan hy wat daar geskryf is??

John

Mense bid liewers.

Apie

O hel, hier kom n ding!!