Staat wil teen Fidentia-baas se “ligte” vonnis appelleer

J. Arthur Brown stap gister uit die Wes-Kaapse hooggeregshof na hy gevonnis is. Foto: Nardus Engelbrecht/SAPA

Die staat gaan aansoek doen om verlof tot appèl teen die vonnis van die voormalige Fidentia-baas J. Arthur Brown.

Regter Anton Veldhuizen het Brown Woensdag tot ʼn boete van R150 000 of drie jaar tronkstraf gevonnis nadat hy verlede maand skuldig bevind is op twee aanklagte van bedrog. Hy is vrygespreek op sewe ander aanklagte van korrupsie, geldwassery en bedrog.

Brown het Donderdag as ʼn vry man uit die hof gestap nadat hy die boete betaal het, berig eNCA.

Veldhuizen het die staat Woensdag hewig gekritiseer en gesê dat die saak swak hanteer is, maar die nasionale vervolgingsgesag het dit ontken en gesê hy doen sy werk goed.

Lees ook:
Teleurstelling oor Brown se ‘ligte’ vonnis

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Christo ·

Goeie gedagte!
As iemand soos hy met so ‘n tikkie op die hand kan wegkom, waarom moeite doen om hulle te vervolg!

H J Bester ·

As gelet word op al die klagtes waarop Brown vrygespreek is, wil mens bykans die afleiding maak dat die ondersoek nie goed deurdag gedoen was nie en die klagtes dus ook nie goed fundeer nie. Die blote feit dat hy op geen klag van korrupsie of geldwassery skuldig bevind is nie, staaf juis ‘n waarskynlike swak ondersoek.

Uit ondervinding weet ons mos dat landdroste en regters slegs skuldigbevindings kan maak wanneer al die relevante klagte goed gegrond is – sodra daar twyfel is, is daar nie ‘n skuldigbevinding nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.