Twee Denel-werkers sterf in Somalië

Sekuriteitsmagte daag by die toneel op net ná die ontploffing Foto: BBC http://www.bbc.co.uk/news/world-africa-22965842

Twee Suid-Afrikaners wat vir Denel, ‘n maatskappy wat verdedigingstoerusting vervaardig, werk, is Woensdag dood tydens ‘n ontploffing in Somalië.

“Ek kan bevestig dat twee van ons werknemers in die aanval op die Verenigde Nasies in Somalië gesterf het,” het Vuyelwa Qinga, woordvoerder van die maatskappy, gesê. Nelson Kgwete, woordvoerder van die departement van internasionale betrekkinge, het alle navrae na Denel verwys. Qinga sê sy het tans nie enige verdere inligting oor die twee Suid-Afrikaners nie.

Reuters het berig dat die binnelandse ministerie in Somalië bevestig het dat twee Suid-Afrikaners onder die 15 sterfgevalle is ná ‘n aanval op die Verenigde Nasies in Mogadishu, hoofstad van Somalië.

Klik hier om meer te lees.
-SAPA