VF Plus gaan beampte by MRK aankla oor ‘rassistiese’ Oscar-artikel

'n Skermskoot van die webtuiste waar die artikel verskyn

‘n Skermskoot van die webtuiste waar die artikel verskyn

Die Vryheidsfront Plus gaan die Menseregtekommissie (MRK) versoek om ondersoek in te stel na beweerde rassistiese aanmerkings deur Sandile Memela, ʼn hoofdirekteur in die departement van kuns en kultuur, in ʼn artikel oor Oscar Pistorius.

“Die VF Plus sal elke moontlike stap neem om te verseker dat daar teen Memela opgetree word,” het dr. Pieter Mulder, leier van die VF Plus, gesê. In ʼn artikel op die Mail&Guardian se Thought Leader-webtuiste vra Memela of Pistorius tans op verhoor sou wees indien hy ʼn swart man vermoor het. Die artikel is getiteld ‘Oscar would be a hero if Reeva was a black man’. “Daar is geen twyfel in minstens my gedagtes dat Oscar vergewe sou word indien hy ʼn swart man wat by sy huis ingebreek het ongenadiglik sou doodmaak nie,” skryf Memela. “Jy sien wanneer sommige wittes wapens koop en bymekaarmaak is dit om twee goed dood te maak naamlik diere en swart mense.” Mulder sê Memela se uitlatings is rassisties en dra nie by tot nasiebou nie. “’n Mens verwag hierdie uitsprake van niemand in die land nie, en allermins van ‘n senior amptenaar in die staatsdiens. Ons beskou dit as haatspraak in die ergste graad en vorm. Die skade wat sulke uitlatings aan nasiebou aanrig, is onmeetbaar. “Die VF Plus sal elke stap moontlik volg om te sorg dat teen Memela opgetree word. Ons dring ook daarop aan dat hy onmiddellik geskors word en dat die departement sy uitlatings onverwyld ondersoek, sê dr. Mulder.

Mogomotsi Mogodiri, woordvoerder van die departement van kuns en kultuur, sê Memela het die artikel in sy persoonlike kapasiteit geskryf. “Sy uitsprake is nie die van die departement nie.” Hy sê Memela het die artikel geskryf as deel van openbare debat wat vryheid van uitdrukking en vryheid van spraak versterk. “Ons wil hê mense moet met Memela in gesprek tree oor sy idees sodat ons openbare debat kan verryk in die gees van nasiebou en nasionale samehorigheid.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Trudie Menezies

Die mens het ‘n verwronge idee oor nasie bou! Genade, hulle haat ons vreeslik!

Kellies

Hy sal niks oorkom nie want hy gaan maar net apartheid die skuld gee en hy is swart.

AmY

Ek het gesien hoe die ANC se vroueliga so by die hof saamdrom. Waar is hulle as ‘n wit vrou deur ‘n swart man verkrag en doodgemaak word? Wonder maar net…

amelia

Ek sou n” inbreker” skiet om dood te skiet wat soek hy in my huis” Inbrekers ” breek nie in om koffie te drink nie hul breek in om te moor so is eienaar of skelm

amelia

stem saam met jul albei hier bo Lyk nie of my kommentaar geplaas word nie 3de keer al verwyder “Inbrekers” drink ni koffie nie Ons weet mos almal hoeveel plaasmoorde is da