Welkom-polisie soek ooggetuie van noodlottige ongeluk

Saps-ls10-320x224Die polisie van Welkom in die Vrystaat het Woensdag ʼn beroep gedoen op die bestuurder van ʼn wit afleweringsbakkie om na vore te kom nadat ʼn noodlottige ongeluk tussen ʼn Mercedes Benz en ʼn motorfiets in Julie in die dorp plaasgevind het.

Kapt. Stephen Thakeng, ʼn woordvoerder van die polisie, het gesê die bestuurder is moontlik ʼn sleutelgetuie om die ondersoek af te handel. “Die ongeluk het op 26 Julie om 21:40 vanjaar plaasgevind,” het Thakeng gesê. “ʼn Mercedes Benz en ʼn motorfiets het op die hoek van Arrarat- en Burenstraat gebots. Die motorfietsryer is op die toneel dood.”

Die polisie ondersoek ʼn saak van strafbare manslag. “Volgens inligting was die bestuurder van die wit afleweringsbakkie ʼn ooggetuie op die toneel, en sy inligting kan ons help om die saak op te los,” het Thakeng bygevoeg.

As enigiemand inligting het oor waar die bestuurder hom mag bevind, of meer inligting oor die ongeluk het, skakel ao. Dylan Saayman by 084 687 3014.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

2 Kommentare

Trippie ·

Die kanse dat die bestuurder van die afleweringsvoertuig hierdie boodskap gaan kry is NUL !

Ai, my hart BREEK as ek lees van ons motorfietsryers wat dood verongeluk.

♥ RIV ♥

Seg Net ·

Eish hierdie Afrika tyd is so algemeen en is die oorsaak van baie mislukte ondersoeke. Twee en ‘n half maande na die ongeluk en hulle skrik nou eers wakker?

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.