Minstens 36 mense is beseer, waarvan drie in ʼn ernstige toestand, toe ʼn skoolbus Donderdagoggend tydens spitstyd in Bronx, New York in die VSA, omgeslaan het.
Die bus, met 37 mense aan boord, het in ʼn noordelike rigting gery toe die bestuurder ʼn afrit wou neem en die bus omgeslaan het, het die New York City-polisie gesê.
Die brandweer en nooddienste is omstreeks 06:00 na die toneel ontbied. Die brandweer het gesê 36 persone is na plaaslike hospitale geneem. Drie persone is in ʼn ernstige maar stabiele toestand en drie het slegs geringe beserings opgedoen.
Volgens die polisie was geen kinders aan boord nie, slegs busbestuurders.
Eric Adams, burgemeester van NYC, het gesê die skoolbus word gekontrakteer deur die departement van onderwys. “Die veiligheid van elke lid van ons gemeenskap bly ons hoogste prioriteit,” het hy bygevoeg.
Die oorsaak van die ongeluk word ondersoek.
This morning, a school bus carrying only bus drivers for the city’s summer programming overturned while exiting the Hutchinson River Parkway.
Thankfully, at this time, no major injuries have been sustained on board. Additionally, no students were on the bus.
— Mayor Eric Adams (@NYCMayor) July 21, 2022
Duidelik is spoed hier ter sprake!