Pres. Joe Biden. (Foto: Saul Loeb / AFP)
Die Amerikaanse president, Joe Biden, het Vrydag versoek dat die Amerikaanse Kongres ʼn massiewe nasionale veiligheidspakket van byna $106 miljard dringend goedkeur wat militêre hulp aan Israel én Oekraïne sal bied.
Die Withuis sê hierdie aanvullende befondsing sal die nodige veiligheidsbystand aan Israel verseker, Israeliese pogings vir die vrylating van gyselaars ondersteun en humanitêre hulp aan burgerlikes verskaf wat deur die oorlog in Israel en Gaza geraak is.
Dit sal ook volgens die Withuis kritiek noodsaaklike opleiding, toerusting en wapens aan Oekraïne verskaf en die land help om sy soewereine grondgebied te verdedig en te herower.
“Die wêreld kyk en die Amerikaanse volk verwag tereg dat hul leiers bymekaar sal kom en hierdie prioriteite nakom,” het Shalanda Young, direkteur van die kantoor van bestuur en begroting van die Withuis, in ʼn brief aan die Kongres gesê.
“Ek doen ʼn beroep op die Kongres om hulle toe te spreek as deel van ʼn omvattende tweeparty-ooreenkoms in die weke wat voorlê.”
Biden se versoek om aanvullende befondsing volg kort nadat hy Donderdagaand ʼn direkte verband tussen die Palestynse militante groep Hamas se aanval op Israel en die Russiese president, Wladimir Poetin, se inval van Oekraïne getrek het om Amerikaners daarvan te oortuig dat die VSA wêreldwye leierskap moet toon.
Die Demokraat het in ʼn passievolle toespraak aangevoer dat die groot bedrae daarby betrokke – ʼn totaal van $105,85 miljard, waaronder $61 miljard in militêre hulp vir Oekraïne en $14 miljard vir Israel – Amerikaanse belange vir toekomstige geslagte sal verseker.
Die pakket sluit ook $7 miljard in vir die stryd teen China en die versterking van bondgenote in die Asië-Stille Oseaan-streek, en meer as $9 miljard vir humanitêre hulp aan Gaza, Oekraïne en Israel.
Biden meen die aanvullende befondsing is “ʼn slim belegging wat nog geslagte lank dividende vir Amerikaanse sekuriteit gaan oplewer”.
Geld wat stom is…