Argieffoto (Foto: PublicDomainImages, Pixabay)
’n Fabriek in die noorde van Frankryk – wat Buitoni- bevrore pizza vervaardig – is vermoedelik die bron van ’n E. coli-uitbreking wat tientalle kinders siek gelaat het.
Die polisie in Frankryk het ’n ondersoek na onwillekeurige manslag en bedrieglike praktyke op 1 April aanhangig gemaak nadat meer as 70 E. coli-infeksies in die land aangemeld is, wat moontlik die dood van ’n eenjarige en ’n 18-jarige veroorsaak het.
Franse owerhede sê die verslae van moontlike infeksies het einde Februarie begin voorkom.
Die polisie het Woensdag die Caudry-fabriek wat deur Buitoni bedryf word (en deur Nestlé besit word) deursoek.
Nestlé het op 18 Maart ’n herroeping van die aangetaste Fraiche-Up-pizzas aangekondig, en owerhede het op 6 April beveel dat hul produksie by Caudry gestaak word nadat hulle twee higiëne-inspeksies uitgevoer het.
Volgens owerhede het die inspeksies “’n verswakking van voedselhigiënekontrole aan die lig gebring” en die teenwoordigheid van knaagdiere bevestig. Die owerhede het gesê daar is ook nie voldoende maatreëls ingestel om te verhoed dat plae ’n voedselproduksieterrein besoedel nie.
Pizzas is ook in België en Luxemburg herroep, met die betrokke pizzas wat in 20 ander lande versprei is, waaronder 15 in Afrika. Dit is nie seker of dié pizzas na Suid-Afrika ook versprei is nie.
Buitoni het gesê hy werk saam met die ondersoek en het belowe om “toepaslike veiligheidsmaatreëls” toe te pas.
Escherichia coli-bakterieë kan lei tot ernstige en langdurige gesondheidskomplikasies, waaronder akute nierversaking.
Dié voorval volg nadat nege Europese lande altesaam 150 salmonellagevalle aangemeld het wat vermoedelik verband hou met ’n Kinder-sjokoladefabriek in België wat sedertdien gesluit is. Die meeste gevalle is kinders onder tien jaar oud, met baie wat in die hospitaal opgeneem is.
Dit lyk of dit beter en baie meer gesond is om tuisgemaakte kos te eet… Die wêreld val uitmekaar uit.
Hul Poloniekwane
Save yourself. Eat at home.
Pizzas in Frankryk, Sjokolade van Belgie & Tiger Brands produkte van Polokwane, SA….Mmmmm Nee-wat, ‘n Vuurwarm Kameeldoring/Hardekool vuurtjie met ‘n Karoo/Namaqualand/Boesmanland Boere Skaapworsie met lekker Karoo/Namaqualand/Boesmanland Lam Tjoppies en ‘n Pofaddertjie / Skilpadjie/Karoo-oesters daarby met ‘n eg Kaapse Braaibroodjie vir my as slaai; afgesluit met ‘n Eishkoue Lemoenadetjie of twee hou enige Afrikaner Boer Jonk van Gees en sterk & gesond soos ‘n Augsburg Jersey StoetBul; DANKIE!
Alhoewel ek met jou saamstem, vra ek die vraag, wie bak jou brood, wie slag jou skaap, wie maak jou wors. Jy bly blootgestel solank vreemdes jou kos hanteer voor dit by jou land.
Excalibur, die lekkerste, sappigste en sagste lam tjops, kom vanaf die Oos Kaap. Karoo lam is taai.
Jaa meneer Bill Gates maar almal het nou nie die geld om te braai of selfs enigsins vleis te koop nie.
Maak hulle nie die pizzas gaar voor hulle dit eet nie?
Die pizzas word gebak in pizza oonde maar kan ook besoedel word na die tyd deur voedselhanteerders.E coli besmetting dui fekale besoedeling aan wat van verskeie bronne afkomstig kan wees.Dit kan aan die hanteerders se hande wees.Dit kan in die kaas teenwoordig wees.Voldoende hitte vernietig gewoonlik bakterie en pizzas word gewoonlik nie dood gebak nie.Tydens ‘n higiëne oudit van ‘n voedselperseel word daar na al die moontlikhede van besoedeling gekyk.