ʼn Jurie van Houston, Texas, het Donderdag beslis dat die Amerikaanse kletsrymer, Travis Scott, geen kriminele aanklagte in die gesig staar ná die dood van 10 mense by die Astroworld-musiekfees in 2021 nie.
Sowat 50 000 mense het in November daardie jaar by die NRG-park saamgedrom vir die musiekfees toe die skare tydens sy optrede vorentoe, na die verhoog toe begin beur het. Dit het chaos veroorsaak en luidens talle berigte het owerhede en sekuriteitswagte slegs toegekyk terwyl dinge in die gehoor handuit geruk het.
Gekonfronteer met hulpkrete, het organiseerders tientalle minute gewag voordat hulle die musiek gestop en die area ontruim het.
Maroela Media het vroeër berig 25 mense is gehospitaliseer en aanvanklik is agt mense reeds op 5 November ná die stormloop by die konsert as dood verklaar.
Sommige konsertgangers het flou geword en ander is deur die skare vertrap. Onder diegene wat in die verwoesting van daardie dag dood is, was ʼn negejarige, en nog honderde konsertgangers is beseer.
“Dit is tragies dat tien onskuldige mense vermoor is terwyl hulle ʼn aand van musiek en vermaak probeer geniet het,” het Kim Ogg, prokureur van die Harris-distrik, gesê.
” ʼn Tragedie is egter nie altyd ʼn misdaad nie, en nie elke dood is ʼn moord nie.
“Geen kriminele klagte sal in die voorval aanhangig gemaak word nie,” lui ʼn verklaring deur Ogg se kantoor.
Verskeie regsgedinge is teen die Astroworld-feesorganiseerders aanhangig gemaak, wat volgens beskuldigers versuim het om die veiligheid van konsertgangers te verseker.
Benewens Scott is daar eise teen promotors, konsertterreinbestuurders en verskeie maatskappye verbonde aan die fees ingedien.
Donderdag se uitspraak handel slegs oor strafregtelike verrigtinge, wat beteken dat siviele regsgedinge steeds kan voortgaan.
Mens sou dink die toeskouers sien hom as ‘n tipe ‘god’. Hulle ken sekerlik nie die werklike GOD nie!
Die werklike god het die mens “geskape” na sy eie beeld. Die mens alleen deel dna met al die plant en dier en selfs gogga buite hul eie genus. Geen ander wesen deel dna buite hul eie genus nie. Die werklike god is alomteenwoordig, alsiende en het altyd natuurkragte en siekte gebruik vir straf. Ek weet jy weet…
Johan jy praat seker van GOD . . . met hoofletters want HY is GOD
Ek is nie beindruk nie.
100% korrek Faraway! Daar is en sal altyd net een God wees!
One earth.
Selfs jou bybel se daar is meer as een
Hou op skree. Die aarde is nie doof nie
Ek dink dis n oordrewe afleiding, baie mense is maar net “niks gewoond” en kan hulle nie gedra nie.
Met daardie hoeveelheid konsertgangers, verseker ek julle jy kan nie genoeg sekuriteid hê om orde te handhaaf wanneer hul mal word nie. Nooit nie, ooit nie, never, ever en vergeet dit.
Dalk met n waterkanon of ses
JvR . . . wees versigtig met boelie-gedrag
Elkeen het die reg om sy/haar mening te plaas SONDER boelie-gedrag
Nou waar het ek boelie gedrag gewys. My menings word gereeld deur christene afgemaak en afgelag. Hier ook. Ek dog elkeen het die reg tot n mening
:-)
Ongelukkig het hierdie “rappers” die geneigdheid om die vieslikste skares te trek. Dat niemand geskiet is nie, is n wonderwerk! Gaan kyk maar hoe hierdie mense hul eie mense afmaai om elke hoek en draai (Chicago se Juneteenth celebrations, 22 mense in een groep geskiet). Wat n negejarige kind by so n vertoning gesoek het, gaan my verstand te bowe?