Engeland se paaltjiewagter Jonny Bairstow het ʼn betoger van die veld af gedra toe klimaataktiviste spel op die eerste dag van die tweede toets in die reeks om die As kortstondig onderbreek het.
Net voor Stuart Broad die tweede boulbeurt geboul het, het twee betogers van Just Stop Oil op die veld gehardloop en die groep se kenmerkende oranje poeier gestrooi. Bairstow het een van die betogers gegryp en van die speeloppervlak af gedra, terwyl die ander een deur baanbeamptes aangekeer is.
ʼn Derde betoger is platgetrek voordat hy op die buiteveld gekom het. Toeskouers het die betogers uitgejou terwyl hulle deur die baanbeamptes weggelei is.
Die polisie het bevestig drie mense is in hegtenis geneem. Ná ʼn oponthoud van etlike minute terwyl die poeier van die veld verwyder is, is spel hervat. Australië het teen middagete op 73/1 gestaan.
Marylebone Krieketklub se uitvoerende hoof, Guy Lavender, het gesê hy “veroordeel die betogers se optrede ten sterkste”.
Just Stop Oil, wat ʼn einde wil hê aan nuwe olie- en gasontginning in die Noordsee, het al verskeie sportbyeenkomste ontwrig, waaronder die Britse Formule Een Grand Prix en die Engelse Premierliga-eindstryd.
Betogers het hulself tydens Premierliga-sokkerwedstryde aan doelpale vasgebind en oranje poeier op die groen gestrooi by die Wêreldsnoekerkampioenskapsreeks.
???? A Just Stop Oil spokesperson said:
“Cricket is an important part of our national heritage, but how can we enjoy the Ashes when much of the cricketing world is becoming unfit for humans to live in? We can no longer afford to distract ourselves when the sports we play, the food… pic.twitter.com/KteCydQ8Jo
— Just Stop Oil (@JustStop_Oil) June 28, 2023
Haal hoed af aan die Engelse wat se instink dit was om eers die Aussies te beskerm voor hul geweet het wat die is. En aan Biarstow wat hom afdrae soos n handsak hahah
Moes hom eers ‘n paar maal geneuk het, en toe van die veld af gedra het! Almal sou hande geklap het.
Gaan strooi julle poeier in Sjina.
Sjina ???
Klimaat -terroriste, nie “aktiviste” nie.