Sikloon Idai: ‘Ons moet onsself staal’

Slagoffers soek skuiling in ‘n beskadigde gebou naby Nhamatanda sowat 50km van Beira in Mosambiek. Foto: AP Photo/Tsvangirayi Mukwazhi

Met vloedwater wat besig is om af te neem in sekere dele van Mosambiek, is daar kommer dat nog lyke gevind sal word.

Die bevestigde dodetal nadat sikloon Idai Mosambiek, Zimbabwe en Malawi getref het, staan op meer as 600.

Elhadj As Sy, sekretaris-generaal van die Rooikruis, het gesê die hulpverleningspogings tot dusver “weerspieël nie naastenby die omvang van die probleem nie” en dat behoeftes waarskynlik in die komende weke en maande sal toeneem. “Ons moet onsself staal,” het hy gesê.

Helikopters word intussen steeds ingespan om mense wat op dakke en in bome vasgekeer is te red.

‘n Pad in Nhamatanda sowat 50km van Beira in Mosambiek wat tydens die sikloon beskadig is. Foto: AP Photo/Tsvangirayi Mukwazhi

Water- en sanitasiegeriewe is grootliks vernietig en wateroordraagbare siektes is nou rede tot kommer.

António Guterres, sekretaris-generaal van die Verenigde Nasies (VN), het ʼn beroep gedoen op hulp vir die slagoffers van Idai en gesê die VN en sy hulporganisasies het hul pogings verskerp, maar dat meer internasionale steun benodig word.

“Die situasie is eenvoudig verskriklik. Daar is geen ander manier om dit te beskryf nie,” het As Sy gesê.

Die dodetal is Mosambiek het tot 293 gestyg met talle mense wat vermis word. Die dodetal kan na verwagting tot meer as ʼn 1 000 styg. In Zimbabwe is minstens 259 mense reeds dood en in Malawi staan die dodetal op 56.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Lorraine de Klerk

Al wat ons kan doen is bid dat die Here wonderwerke sal laat geskied. Ek hoop Suid-Afrika plaas hule huislike probleme vir n rukkie opsy en dat die weermag en noodpersoneel afgevaardig is om hulp te verleen. So n ramp kan ons land ook tref. Ons kan net die Here dank dat dit nie die geval is nie.

humor

Besef tog SA kan homself nie eens meer self help nie. Vertel al die mislukkings en veral die leurlopende beurtkrag nie vir ons die ware verhaal nie.

Johanna Botha

SA kannie eers homself help nie

Marinda

Dis skrikwekkend.
Sterkte aan al die mense wat deur hierdie sikloon getref is, wie se lewens omver gegooi is.
Ek kyk na hierdie fotos en besef dis wat ek wil doen, maar omstandighede buite my beheer op die huidiglike oomblik laat dit net eenvoudig nie toe.

James

Ek hoor dit is die wit mense se skuld.. so se die BLF op news24