Rook trek uit Gaza, (Foto: JACK GUEZ / AFP)
Die wapenstilstand tussen Israel en Hamas is Donderdag, enkele minute voordat dit sou verval, met nog ’n dag verleng.
Die kantoor van die Israeliese eerste minister, Benjamin Netanyahu, het sedertdien bevestig dat hy nog ’n lys van gyselaars ontvang het wat vandag na verwagting vrygelaat sal word.
“ʼn Kort rukkie gelede is Israel ʼn lys van vroue en kinders gegee in ooreenstemming met die bepalings van die ooreenkoms en daarom sal die wapenstilstand voortduur,” het Netanyahu se kantoor gesê.
Hamas het ook bevestig dat daar ooreengekom is om “die wapenstilstand tot ʼn sewende dag te verleng”.
Die Palestynse militante groep, wat vroeër beweer het dat Israel aanvanklik geweier het om die wapenstilstand te verleng nadat hulle aangebied het om sewe gyselaars en die liggame van nog drie te oorhandig, het egter nie enige verdere besonderhede oor die verlenging bekend gemaak nie.
Volgens Katar, wat as bemiddelaar optree, word die skietstilstand vir ʼn dag “onder dieselfde voorwaardes as vantevore” verleng.
Die aankondiging volg enkele ure nadat die Amerikaanse minister van buitelandse sake, Antony Blinken, Woensdagaand in Israel aangekom het te midde van toenemende druk vir nóg ʼn verlenging.
Die wapenstilstandooreenkoms maak voorsiening vir verlengings indien Hamas nog 10 gyselaars per dag kan vrylaat. Albei kante het egter reeds gewaarsku dat hulle gereed is om oorlogvoering voort te sit.
Hamas se gewapende vleuel het, luidens ʼn boodskap op sy Telegram-kanaal, sy vegters voor die verlenging aangesê om “hoë militêre gereedheid te handhaaf” sou die skietstilstand nie verleng word nie.
Doron Spielman, woordvoerder van die Israeliese weermag, het intussen gesê Israeliese troepe sal “baie vinnig in operasionele modus beweeg en voortgaan met hul teikens in Gaza,” wanneer die wapenstilstand verstryk.
Talle hoop egter dat die wapenstilstand ’n einde aan die oorlog tussen Israel en Hamas kan maak.
Antonio Guterres, sekretaris-generaal van die VN, eis ʼn “ware humanitêre wapenstilstand”. Hy sê Gaza-inwoners bevind hul “in die middel van ʼn epiese humanitêre ramp”.
China, wie se topdiplomaat Wang Yi vandeesweek in New York was vir gesprekke by die veiligheidsraad oor die geweld, moedig ook ʼn onmiddellike “volgehoue humanitêre wapenstilstand” aan in ʼn standpuntdokument wat Donderdag vrygestel is.
Altesame 70 Israeliese gyselaars is sedert die begin van die wapenstilstand op 24 November bevry in ruil vir 210 Palestynse gevangenes.
Ongeveer 30 buitelanders, van wie die meeste Thais wat in Israel woon, is ook buite die bepalings van die ooreenkoms vrygelaat.
Hopelik wis Israel hulle uit na die gyselaars vry gelaat is. Die klomp gemors….
Stem saam. Israel moet harder slaan as ooit tevore sodra die skietstilstand ophou.
Lees die onderhoud met Amerikaanse oud-soldaat Scott Ritter op Sputnik. Hy het Israel omtrent 20 keer besoek en met hul geheiemediens gewerk – as VN wapensinspekteur. Volgens hom het Hamas drie redes gegee vir die aanval op 7 Oktober: 1.Eie staat vir die Palestyne; 2.Vrylating van duisende Palestyne uit Israel-tronke; 3. Israel polisie en setlaars moet ophou die al-Aksa Moskee betree. Tel Aviv het na die aanval gese hulle gaan nie ophou veg totdat alle Hamaslede uitgewis is nie. En nou, vra Ritter? Daar is n skietstilstand, vrylating, ens. Dus: Hamas het die politieke geveg gewen. n Paar dae voor die skietstilstand het Israeli troepe geweier om in Gaza in te gaan, want dit was n doodsvonnis. Netanjahu is dus gedwing tot die skietstilstand.
Marthinus W. Onwaar. Ek is hier. Ek praat met die soldate. Geweier om in Gaza in te gaan? Jammer, maar jy sit die pot baie, baie ver mis. Wat jy vergeet het om te noem van Scott Ritter is dat hy in 2011 aangekla en tronkstraf uitgedien het vir onwelvoeglike dade om dit mooi te stel. Nou dit was in 2011, meer as ‘n dekade gelede. Die situasie het in daardie tyd so verander dat daar nie eers meer ‘n vergelyk is nie. Dus gaan ek my uitlaat om te se ek dink nie mens kan Mr. Ritter se woord as geloofwaardig aanvaar vir wat nou, 12 jaar nadat hy nie meer ‘n se in enige iets het of insig in enige situasie kan gee, hier aan die gang is nie.
Dankie Lily! Jy is reg, mens kan beslis nie kriminele aanhaal en op die kantlyn sit en gevolgtrekkings maak nie. Ek is vier dekades al betrokke in die Militêre bedryf asook by PMC’s. Israel is militêr onder die drie bestes ter wêreld en feite bewys dit! Terroriste vrees Israel se militêre slaankrag.