Die internasionale sanger Stevie Wonder het Saterdag aangekondig dat hy later vanjaar ’n nieroorplanting sal moet ondergaan.
Wonder, wat veral bekend is vir sy treffers “I just called to say I love you” en “Isn’t she lovely”, het dié nuus aan aanhangers oorgedra by ʼn konsert in Hyde Park in Londen.
Die BBC berig die 69-jarige sanger het verduidelik dat hy ʼn geskikte skenker gekry het en nog drie optredes vanjaar sal doen voordat hy in September die operasie sal ondergaan.
Volgens The Detroit Free Press sukkel Wonder reeds al ʼn geruime tyd met sy gesondheid en toer hy met ʼn mediese span vir optredes wêreldwyd.
Wonder het al 25 Grammy-toekennings ingepalm en was reeds 74 keer vir dié gesogte toekennings genomineer.
Gelukkig is hy wat die operasie kan bekostig. In SA is mense op mediesefondse wat nie eers die bybetalings op n eenvoudige sinusitis operasie kan bekostig nie en dan maar daarsonder moet gaan. Dis n skande!
Maljan, nou praat jy. Ons betaal ons ore af elke maand vir ons Mediese Fonds. Ons kan nie eens Tandarts toe gaan nie die Bybetalings is ‘n nagmerrie. Ons soek ook ‘n mooi smile soos die Royal Family.
Wie is Stevie Wonder???
Sterkte Stevie, jy het dit sekerlik nie sien kom nie!
Het julle al sy nuwe vrou gesie? Nié ? Toemaar hy ook nie.
Skerp Nederkaner en Veritas!